Gaia: albisteak

Bertsozale Elkarteak antolatuta, aurtengo U.morez jardunaldiak otsaileko bi ostegunetan burutuko dira Villabonako Subijana etxean:

Otsailak 16, osteguna

18:00 Mari Luz Esteban: ‘Begirada feminista bat euskal kulturari: irakaspenak periferiatik'.

19:30 Ander Izagirre: ‘Betaurreko moreak jarri nituenean...: kazetaritzatik esperientzia bat'.

Otsailak 23, osteguna

18:00 Mikel Otxotorena (On:giz elkartea): ‘Maskulinitate klasikoaren eraikuntza publizitate eta zinemaren bidez'.

19:30 Maddi Oihenart: ‘Kantugintzatik esperientzia bat'.

*Oharra: Hitzaldien ostean afaltzen gelditu nahi duenak aurrez izena eman behar du: umorez@bertsozale.com gunean.

Joan zen urtarrillaren 21ean, Villaviciosa de Odónen (Madril), Espainiako Wushu (kung fu) txapelketa ospatu zen. Villabona Olaederra fight taldea, bi borrokalariz ordezkatuta egon zen: Denis Martin eta Ander Chaparro, QUIN DA junior borroka modalitatean. Denis Martinek, parekotasun handiko borrokak eta kanporaketak irabazi ondoren, urrezko domina lortu zuen. Ander Chaparrok, ordea, finalera iritsi eta gero, zilarrezko dominarekin konformatu behar izan zuen:

Datorren igandean, hilaren 12an, Azparren-Zarikieta-Agoitz mendi ibilaldia burutuko dute Aizkardi mendi taldeko kideek. Azparrendik abiatuko dira (800m.) Mendigañara (1110m.), Zarikieta zeharkatu (1051m.) eta Agoitzera jaisteko (510m.). Ibilaldian zehar Itoizko urtegia eskubitara utziko dute parte hartzaileek Agoitzera jaisterakoan, Salazar bailara ezkerraldean dutela. 26 kilometro egiteko 6 ordu beharko dituztela aurreikusten dute antolatzaileek. Izena emateko: 649 717 182 edota Aizkardiren egoitzan (20:00-22:00), otsailaren 9a arte. Irteera goizeko 09:00etan izango da Olaederra kiroldegiaren ataririk.

Comsa enpresak Andoaingo Udalari jakinarazi dio astearten (otsailak 7) iritsiko direla lehen langileak eta lan eremua prestatzeari ekingo diotela. Era berean, Leitzaur parke ondoan dauden lurrazpiko zaborrontziak itxi egingo dira eta ezin izango dira erabili. Horien ordez, Kale Berrian jarriko ordezkoak, gaur egungo lurrazpiko zaborrontziak dauden parean.

Oharra, taxien geltokia tokiz aldatuko dute. Obrak direla eta, Leitzaur parke ondoan dagoen taxi geltokia La Salle etorbideko aldapan ipiniko dute, zehazki, udaletxetik Urigain Kultur Etxera doan tartean.

Loatzo musika eskolako arduradunek jakinarazi dutenez, urtero legez, Kaldereroak iristear dira Anoeta, Irura eta Ibarrara otsailaren 10ean, 10:00etatik aurrera.  Festa ahalik eta ondoen prestatu nahian, ondorengo entseguetan parte hartzeko deia egin diete eskualdeko herritarrei:-Otsailak 7, asteartea: 18:00etan Irurako musika eskolan.-Otsailak 8, asteazkena: 19:00etan Ibarran (Allurrek erabiltzen zuen erreka ondoko lokal zaharrean).-Otsailak 8, asteazkena: 18:00etan frontoian. Entseguetan parte hartzea garrantzitsua dela adierazi dute antolatzaileek.

Larunbat eta igande honetan Basteroko auditoriotik eta ekitaldi aretotik ehunka piano jotzaile igaroko da. Zazpigarren edizioa da, eta dagoeneko Euskal Heriko musika eskola askoren buruan dagoen jaialdia da. Araba, Bizkaia, Nafarroa eta Gipuzkoako 52 herritatik 889 pianojotzaile gerturatuko da Andoainera.

Urnietako langabetuek ere badute elkartea, eta hasiak dira bizi duten egoera larria kaleratzen. Bi bilkura egin dituzte jada plazan. Antonio Rosco elkarteko eragileetako bat da.

Azken urteetako ohiturari jarraituz, herriko kaleetan zehar taldetxo bat koplak abestera aterako da. Urnietako Udalak gazte nahiz helduei ekimenean parte hartzeko deia egiten die. Taldea larunbat honetan 18:00etan kalez kale aterako da, aurretik Lekaion azken entsegu saioa egin eta gero.

Entseguak:

Manuel Larramendi Kultur Bazkunak otsailaren 4an Santa Ageda bezperako erronda burutuko du, herriko beste elkarte, ikastetxe eta talderen partaidetzarekin. Dr. Huizi kaleko egoitzaren paretik hasita, arratsaldeko 18:00etatik aurrera herriko kaleetan barrena ibiliko dira Santa Ageda bezperako koplak kantari. Zortzi eta erdietan amaiera emango diote errondari. Ohiko dutenez, erronda amaitu ondoren afaria egingo dute Berrozpeko Ontza elkartean izena aurretik ematen dutenek. Azken entsegua ostegunean:

Urnietako Udalak eta Aspanogi Gipuzkoako haur minbizidunen guraso elkarteak elkarrekin egin zuten mendi lasterketaren aurkezpena.

Kronika:

Azpikolako harrobiaren inguruan azken urteetan jazo diren gertakizunak gai hartuta jardun ziren Fidel Sanchez abokatua, Joxean Barandiaran bizilaguna eta Ana Carrere Andoaingo alkatea joan den ostegunean Urigain Kultur Etxean.

Kronika:

Mikel Imaz eta Julen Loitegi Gipuzkoako trinkete txapeldunak bilakatu dira, kadete eta jubenil mailan hurrenez hurren. Irungo Artalekun jokatu ziren partidak, baina Urnietan ere joka zitezkeen, lau finalistak urnietarrak baitziren.

Korrika entrenamenduak, presiorik gabe eta giro onean egiteko deia egin du Andoaingo Emeki-emeki taldeak. Orain bi urteko Lilatonen sortu zen korrikalari koadrila osatu eta izen hori jartzeko ideia eta geroztik jarduera horretan elkarrekin aritzen dira.

Asteburuetan ordubeteko korrika saioak egiten dituzte, baina hasi nahi duenari gogoratu nahi diote kilometro gutxiko ibilbideak osatzen hasi zirela eurak ere eta modu horretan laguntzeko prest daudela.

Deialdia:

Patziku Perurena idazle goizuetarrak irabazi du Manuel Larramendi Kultur Bazkunak deituriko lehenengo Manuel Larramendi Ikerketa Saria. Lehenengoz eman dio izen hori ikerketa sariari, baina deialdia orain urte eta erdi egin zuen, 2010ean. Nolanahi ere, bizi dugun krisialdi ekonomiko sakonak gerarazi egin zuen deialdi hori 2011ko udazkenean aurrera egitea erabaki zuten arte. Ikerketa saria 6.000 € garbikoa da eta horren bitartez Perurenak aurkezturiko ikerketa egitasmoa burutzeko aukera izango du:

Jesusen Bihotza ikastolako arduradunek jakinarazi dutenez, igande honetarako antolatua zuten mendi ibiladia bertan behera geratuko da eguraldi txarragatik. Udaberrian burutuko da.

Hotza handia bada ere, aparteko arazorik ez dago herrigunean. Ibilgailuentzat eta oinezkoentzat aparteko eragozpenik ez da izan goizeko lehen orduetan. Udal langileak lehen ordutik lanean ari dira izotzaldiaren eragina ahalik eta txikiena izan dadin.

Bideoak: Herrigunea  |  Beharginak lanean

Garaiar: Andoain-Urnieta-Ospitaleak bus zerbitzua betiko ibilbidea egiten ari da, geltoki guztietara iritsiz. Goikoplazara ere.

Ezinbesteko baldintzak: lanpostuarekin zuzenean lotutako ikasketak izatea, antzeko lanetan eskarmentua izatea eta ordenagailu programa ezberdinekin lan egiteko erraztasuna izatea.Eskaintzen da: lanaldi erdia, goizez edo arratsaldez, Villabonako egoitzan.Kontratuaren iraupena: 2012ko irailaren 30era arte.Interesa duenak Curriculum Vitae-a bidali behar du Xenpelar Dokumentazio Zentrora (xenpelar@bertsozale.com) 2012ko otsailaren 15a baino lehen. Informazio gehiago behar izanez gero, idatzi mezu bat helbide horretara edo deitu 943692477 telefono zenbakira.

Urnietako Udalak larrialdi mahaia lanean jarri du elurra gogotik ari duelako herrian eta inguruetan. Aurreikuspenen arabera, denborale honek igandera arte ez du atsedenik emango. Ordura arte, beraz, Udala alerta egoeran mantenduko da beharrezkoak diren esku-hartzeak koordinatzeko.

Hainbat ohar garrantzitsu:

Eguraldiaren eraginez, Andoain-Ospitaleak bus ibilbidea egiten duen Garaiar autobusa ez da Goikoplazarainoko geltokira igotzen ari. Bazkardoraino bakarrik iristen ari da. Beraz, joan-etorrietarako Bazkardoko geltokia hartu behar da kontutan, elurteak jarraitzen duen bitartean.

Goizean goiz, elurra poliki hasi badu ere, orduak aurrera, mara-mara bota du eskualdeko herri guztietan. Dagoeneko, ezohiko irudi ederra ageri da eskualdeko txoko guztietan, bazterrak txuri-txuri baitaude. Udal langileak errepide eta pasabideak garbi mantentzen lanean ari dira eta, oraingoz, aparteko arazorik sortu ez dela dirudi. Hala ere, halako egunetan zabaldu ohi den modura, ahal den neurrian autorik ez hartzeko gomendioa eta, hartzekotan, poliki gidatzekoa luzatzen ari dira trafiko saileko arduradunak. Kasu egin, beraz.

Argazkiak:Zizurkil | Villabona | Andoain | Urnieta

Bideoak: Webgunea | Youtube kanala

Oharrak: Andoaingo elur plana | Urnietako elur plana