Gaia: azpiegiturak

Abenduak 1, 2 eta 5ean itxiko dute

Iturbide kaleko 13. zenbakian ura, saneamendua, argi indarra, komunikazioa eta eremu guztien urbanizazio lanak egin behar dituztenez, abenduaren 1ean, 2an eta 5ean, 08:00etatik 18:00etara bitartean trafikoan honako aldaketak izango dira:

• Iturbide kaleko 13. zenbaki inguruko trafikoa bi norabideetan itxi egingo da, tarteka txandatuz, ibilgailuentzako irekitzeko aukera dagoenean irekiz.

• Kale Nagusia, Antxiola eta San Martin ingurukoek herrira joateko N-634 errepidera jaitsi beharko dute. Era berean, aipatutako kaleetara joateko Txanka bidetik San Martin bidea hartu beharko dute gidariek

Maiatzaren 5ean hasi eta 13a arte iraungo dute berritze lanek

Bihar bertan, maiatzaren 5ean, Eusko Gudari kaleko asfaltoa berritzen hasiko dira. Lanak astebeteko iraupena izango dute eta horren ondorioz trafikoan aldaketak izango dira.

Bidean hainbat zulo daude aspaldian zama astuneko ibilgailuak herrian barrena ibili izanaren ondorioz, eta Txanka eta hondartzako bidea uztartzen dituzten errepidea ireki denez, orain egingo dituzte berritze lanak.

Maiatzaren 13an, errepidea txukunduta izango dugu, beraz, Eusko Gudari kalean.

Paddle eta squash txapelketak, bateo proba eta tenis ikastaroa izango dira

Kamioiek eta autobusek debekatua izango dute herriko plazatik sartzea

Urriaren 18an hasi ziren Txanka-hondartza errepidea berritzeko lanak eta agindu bezala sei hilabeteren ondoren berrituta ireki dute asteburuan oinezkoentzako eta ibilgailuentzat atzo, apirilaren 18an, errepidea. Autopista sarrerako biribilgunetik hondartzako biribilgunera bitartean bidea zabaldu, kurba pare bat zuzendu, oinezkoentzako ibilbidea ipini… eta beste hainbat lantxo egin dituzte.

Autoek eta motoek bai, baina hemendik aurrera kamioiek eta autobusek debekatua izango dute herriko plazatik sartzea, beraz, Txanka-Hondartza bidea erabili beharko dute.

Iazko abuztuan lotunea ireki zutenetik autopistako joan-etorriak arian-arian gehitu egin dira aurtengo uztailean 4.000ra iristeraino.

Oriotik AP-8 autobidera sartzeko eta handik irteteko ordainlekua iazko abuztuan ireki zuten. Urtebeteren ondoren emaitzak poztekoak direla diote Bidegitik. Izan ere, milioi bat ibilgailutik gora izan dira ordainlekutik pasatakoak. Gainera, denboran aurrera egin ahala erabilera kopurua ere hazi egin da urtean barrena: 2009ko abuztutik abendura bitartean egunean 2.700 ibilgailu pasatu ziren batez beste; 2010eko martxoan 3.500 eta uztailean 4.000 baino gehiago. Ibilgailu astunen batez bestekoa, berriz, %9koa izan da.

Orotara milioi bat izan dira, baina bi noranzkoak neurri bertsuan erabili dira Donostiatik Oriorakoa (539.000) Oriotik Donostiakoari (519.000) pixka bat gailendu arren.

Txankako bidea

Gipuzkoako Foru Aldundiak, Gipuzkoako Bide Azpiegituren Agentziaren bitartez, 1,1 milioi euroko inbertsioa egingo du Txanka eta Orioko hondartza lotzen dituen errepidea zabaltzeko eta hobetzeko. Autobidea sei erraietara handitzeko eta Orioko ordainlekuko lanen osagarri izango dira konponketa horiek. Ordainlekua ireki zenetik, nabarmen handitu da Txankatik hondartzara arteko ibilgailuen joan-etorria. Hori dela-eta, egoera berriari erantzun egokia emateko hobekuntza lanak egingo dituztela jakinarazi dute Foru Aldunditik.

Donostiatik Oriora etorri diren autoak gehiago izan dira, Oriotik Donostiara joandakoak baino

A-8 autopistako Orioko sarrera-irteerak larunbatean beteko du urtebete martxan jarri zenetik, eta Bidegik kaleratu ditu dagoenerako lehenengo datuak. Geroz eta erabiltzaile gehiago izaten joan da bidea, lehen seihilekoan 2.700 auto inguru ibiltzen zen eguneko, baina hortik aurrera datuek gora egin zuten, 2010eko lehen laurdenean 3.500 arte igoaz eguneko erabiltzaile kopurua.

Eguraldi onek lagunduta, uztailean 4.000 erabiltzailera arte igo da eguneko kuota, nahiz eta hilabete horren hasieran tarifa 0,96 eurotakoa izatetik 1,35 eurotakoa izatera igo zen Via-Trik ez dutenentzat. Zenbaki orokorretan, Donostiatik etorri diren erabiltzaileak, Oriotik Donostiara joan direnak baino 20.000 gehiago izan dira, 539.000 ibilgailuk egin dute handik honako bidea, eta hemendik ekialdera 519.000 joan dira.

N-634ak antzeman du ibilgailuak gutxitu direla Oriotik Donostiarako tartean, egunean %18 ibilgailu gutxiago ibiltzen dira-eta orain, baina, bestalde, Orio-Aritzetako A-8ko tartean %18 hori igo egin da, Behobiatik Bilbora doan autopistan dentsitate gehienetakoa duen puntua bilakatuz.

Txankako bidea

Bidegik 1,4 milioi euroko inbertsioa egingo du A-8ko irteera eta hondartza lotzen dituen bidea atontzeko lanetan. Lanak Construcciones Mariezkurrena eta Construcciones Zubieder AEEk –Aldi baterako Elkartutako Enpresak– egingo ditu, eta bost hilabete dituzte lanak egikaritzeko.