Gaia: bolueta

Mai

16:20

Mahatserria (Bilbo): Genero indarkeria kasu bat izan da Boluetan

Bolueta inguruan zaintza lanak egiten zebilen Ertzaintzaren patruila batek bikote baten arteko eztabaida bat antzeman zuen maiatzaren 2ko atzo goizaldean.

Haiengana hurbiltzean gizonezkoa emakumea buruan joka harrapatu zuten eta jarraian lurrera bota zuela ikusi zuten. Gertaera horren harira, 33 urteko gizonezkoa momentuan bertan atxilotu zuten.

BERTON | berriak, bolueta, genero indarkeria | ( Komentarioak )

Mar

16:17

Mahatserria (Bilbo): Apirilaren 2an zabalduko dute aterpe berria Boluetan

Urritasun fisikoa eta psikikoa duten 12 lagun arituko dira lanean apirilaren 2tik aurrera Boluetako BBK Bilbao Good Hostel aterpetxean. 3. sektorean lan egiteko gai direla erakutsiko dute, urritasuna duten pertsonak enplegatzeko trabak jarri ohi dituen sektorean, hain zuzen.

Eta lan ugari egingo dute Aste Santuan aterpeak eskaintzen dituen 104 ohetik gehienak erreserbatuta baitaude. Okupazio handia izango dute uztailean ere, BBK Live musika festibala dela eta, bezero ugarik egin baitu dagoeneko bere erreserba. Prezio merkeak (17-22€) dituen gazteentzako aterpea da Boluetakoa. Kokapen bikaina du, metro geltokitik 200 metrora dago.

Aterpetxea Lantegi Batuak elkarteak kudeatuko du BBK eta Bizkaiko Foru Aldundiaren finantziazioarekin. 3 miloi euroko kostua izan du.

BERTON | aterpea, berriak, bolueta, lantegi batuak | ( Komentarioak )

Mar

12:00

Mahatserria (Bilbo): Sormenaren gozamena eta tentsio probokatzaileenak, Boluetan

Martxoaren 10ean, Eutokiak eta Zawpek egun osoko egitarau zabala prestatu dute atal ezberdinetan sortzaileak diren pertsonak biltzeko “sormenaren gozamen eta tentsio probokatzaileen laborategian”.

Hitzordua: Eutokiaren zentroan, Boluetan (Boluetabarri eraikina, Bilbo-Galdakao etorbidea, 10-3.solairua), 11:00-18:00

Goizean tentsioak askatzeko saioa izango da, sormen energia sortzen laguntzen duten elementuak bilatuz: 11:00-16:00
Arratsaldean goizean esperimentatutakoa zabalduko da bertaratzen direnen artean, 16:00-18:00

Erritmoa eta sentsazioak Santi Sensok eta Ixiar Garciak eragingo dituzte.

Laborategian, arratsaldeko jardunaldi irekian edo gaueko antzerkian parte hartzeko: info@wearepinkgorillas.com

Gaueko antzerkia: ‘ORGIAme, la depravación del YO’ Santi Sensorekin. Antzerkiko sarrera 10€. Garabia espazioan, Zawp pabiloian (Deustuko erribera, 47), 21:00ean.

www.eutokia.org

www.zawpbilbao.com