TOKIKOM

Api

05

9:29

Deustualdea (Bilbo): Kulturgune independenteen topagunea ZAWPen

Deustuibarrako ZAWPek 17 kulturgune independenteen hirugarren bilkura hartuko du asteburu honetan.

Espainiar estatuko eta Portugaleko 17 kulturgune eta kolektibo independentek bat egingo dute Deustuko Erriberan gaurtik igandera bitartean. Kulturguneen sare horren helburua da nagusi den eredu kulturalaren aurrean alternatibak aurkeztea eta indarrak biltzea.

Argazkia: ZAWP.

PREST! aldizkaria | deustuibarra, uncategorized, zawp | ( Komentarioak )

Mar

19

6:49

Deustualdea (Bilbo): Korrika Kulturala abiatuko dute gaur Deustuko Erriberan

2 egun baino ez dira falta Korrika 18 Deustualdera heltzeko. Deustuko Erriberan propaganda publizitate maratoiarekin hasiko dira astearte honetan giroa berotzen.

Bihar, asteazkenean, petoak egiteko tailerra eta merendola antolatu dute arratsaldean eta iluntzean, poteoa eta Mihiluze txapelketa egingo dute Bekoerritik abiatuta.

INFO + BEKOERRI

PREST! aldizkaria | deustuibarra, korrika kulturala, uncategorized | ( Komentarioak )

Ots

25

10:11

Deustualdea (Bilbo): Yolanda Gonzalezen hiltzailea, Guardia Zibilaren eta Ertzaintzaren aholkulari

Yolanda Gonzalez, Deustuibarrako auzokidea, ETAkoa zelakoan hil zuen Emilio Hellinek. Atzo El Pais egunkariak argitaratu zuenez, beste nortasun bat du orain Hellinek, eta Guardia Zibilarentzat, Espainiako Poliziarentzat eta Ertzaintzarentzat egiten du lan.

Gonzalez 1980ko otsailaren 1ean hil zuten Madrilen, bi tiroz, 19 urte zituela. Hilketa harengatik Emilio Hellin ultraeskuindarrari 43 urteko espetxe zigorra ezarri zioten 1982an.

PREST! aldizkaria | deustuibarra, hellin, uncategorized, yolanda gonzalez | ( Komentarioak )

Ots

22

8:00

Deustualdea (Bilbo): Autodefentsa tailerra asteburuan, Deustuibarran

“Erasoen aurrean…entzun eta erantzun” lelopean, Autodefentsa feminista tailerra egingo dute asteburu honetan Deustuko Erriberan.

Erriberako Auzokide Elkarteak, Bekoerrik, Ur-Arteak eta PARE Deustuko Talde Femininistak antolatutako ekimena da.

Otsailak 23, larunbata, 10:00-14:00 16:00:20:00 (25 urtetik aurrerako emakumeak)

Otsailak 24, igandea, 10:00-14:00 16:00:20:00 (25 urtera arteko emakumeak)

*9:45tan geratuko gara plazatxoan denak elkarrekin joateko.

*Gogoratu arropa erosoa eta esterilla bat eramaten!

PREST! aldizkaria | autodefentsa, deustuibarra, feminista, uncategorized | ( Komentarioak )

Ots

19

9:07

Deustualdea (Bilbo): 2013ko denboraldiari hasiera emango dio ostegunean Pabilioi 6k

Deustuibarrako Pabilioi 6k bazkide, kolaboratzaile, lagun, auzokideen topaketa deitu du ostegunerako, otsailak 21, 20:00etan. Jazz, indie, hip hop eta musika elektronikoa zuzenean entzuteko parada ere izango da.

Martxan da berriz Pabilioi 6, eta 2013ko denboraldi berriari hasiera emateko eta ekainera bitarteko programazioa aurkezteko hitzordua antolatu duTE. 21:30etatik aurrera, Patrol Destroyers DJ SET + Rufoh & Orodreth BEATBOX SHOWCASen txanda izango da.

INFO +: P6

PREST! aldizkaria | arte eszenikoak, deustuibarra, pabilioi 6, uncategorized | ( Komentarioak )

Aza

09

7:55

Deustualdea (Bilbo): SOS Arrazakeriak Deustuibarran okupatutako bi eraikin hustu eta 20 lagunen atxiloketa salatu du

Udaltzaingoak etxerik gabeko hainbat lagunek okupatutako bi etxe hustu zituen atzo goizean Deustuibarran Ertzaintzarekin eta Polizia Nazionalarekin batera eginiko operazioan.

Gainera, eraikin bien barruan zeuden 20 bat lagun identifikatu eta beste 20 atxilotu zituzten. SOS Arrazakeria elkarteak “makillaje” operazioatzat jo du atzo gertatua, “Zorrotzaurreko egoera soziala hobetzen ezertan lagunduko ez duena”.

INFO + BRANKA

INFO + SOS ARRAZAKERIA

PREST! aldizkaria | deustuibarra, sos arrazakeria, uncategorized | ( Komentarioak )

Uzt

27

10:32

Deustualdea (Bilbo): Open Your Ganbara 2. eskuko azoka igande honetan Deustuibarrean

Hileko azken domeketan egin ohi duten bezala, uztailaren 29an ere, ganbaran gordetako jeneroa atera eta prezio onean salgai izango da Open Your Ganbara azokan. Arropa, liburuak… ondo gordetako altxor txiki eta handiak topa daitezke bertan. Musika eta jan-edana ere izango da Deustuibarreko Artiach gaileten lantegi zaharrean (Deustuibarra, 70B).

INFO + Open Your Kolektiboa

PREST! aldizkaria | artiach, deustuibarra, open your ganbara, uncategorized | ( Komentarioak )

Abe

21

8:16

Deustualdea (Bilbo): AGUR 2010, ONGI ETORRI 2011!

Gabon hauetan Berbaizu Euskara Elkarteak oroigarri gisa Erriberako sirgeren postala landu du, XIX.mende bukaeran emakume - gremio honen (munduan bakarra izan zenak) oroimena gurera ekarri nahian.

Gogora ekarri nahi izan dugu Deustuibarrako irudi hauxe eta zeharka gabon onenak opatzeaz gain (beti ere gure ukitu ttikiarekin), elkarteko bazkideei oparitxo xume bat eskaini postal bidez. Nola ez, gainontzekoak ere eskuratu dezakezue 0,50zentimoren truke lokalean.

Horrez gain, gure elkarteak betetako 10. urteurrenari agur esaten diogu, euskararen aldeko lanean beste horrenbeste betetzea gure buruari desiatuz.

Iturria: "Las sirgueras de la ría de Bilbao". Imanol Barberia.

Margolaria: Anselmo Ginea

Bestetik , 2011 egutegia eskura duzue lokalean doan. Deustuko tren geltokiaren itxiera aprobetxatuz, bertan dagoen hesia abiapuntutzat hartu eta “hesi guztien gainetik” lelopean, gure ideia islatu dugu, hau da, gure esku dagoen neurrian, ahal diren tresna zein baliabideekin, euskaraz bizitzeko egunerokotasunean ditugun hesiak (zein lotzen gaituzten sokak) gainditu eta etetzeko asmoa.