Gaia: euskara

18. edizioa zen aurtengoa eta Euskararen Eguna hautatu zuten sariak emateko

Larunbatean, abenduaren 3an, banatu ziren 18. Euskaraz Gazte literatur lehiaketaren sariak. Iaz baino parte-hartzaile gehiago izan dira aurten eta epaimahaikideen ustez lanen mailak gora egin du. Ana Gonzalez de Txabarri Karkarako zuzendariak, Eli Lasa Aiako Udaleko kultur teknikariak eta Jabier Zabaleta Orioko Udaleko euskara teknikariak osatu zuten epaimahaia. Jon Agirresarobe Orioko Udaleko zinegotzia ere bertan izan zen sariak banatzen.

Ipuinen sailean, lehen saria Oroitzapenen paperak lanak irabazi du, Iñaki Iturainek idatzia. Lana oriotar batzuen benetako bizipenetan oinarrituta dago eta epaimahaiaren esanetan egileak ahalegina egin du bere ohiko konta moldeetatik aldentzeko eta, kasu honetan, epaimahaiaren iritziz, kontakizunaren mesedetan gertatu da.

Bigarren saria Libe Larrarterentzat izan da, Mona Beadle lanarengatik; hirugarrena Garazi Urretabizkaiak eraman du 8:45 ipuinarekin eta accesita Mirari Arriolak irabazi du Baina zein uda bakarra lanarekin.

Olerkietan, Joxe Mari Lertxundik irabazi du lehen saria. Behi gizenak eta behi argalak neurri berezian eginiko bertso sorta izan da Joxe Marik saria irabazteko idatzi duena. Krisiaren gainean idatzitako bertsoak dira. Bigarren saria, Ilusioaren kolorea lanari eman zaio eta Garazi Urretabizkaia izan da egilea. Hirugarren saria, Iker Gurrutxagak idatzitako Sentimenduez bertso sortari eman diote, eta accesit bana jaso dute Idoia Etxabek Bihotzetik behatzetara hunkitu lanarengatik eta Goiuri Unanuek Kontrola olerkiarengatik.

Sari banaketaren atzetik urteroko hamaiketakoa egin zuten ekitaldian izan zirenek. Bukatzeko, aipatu, ohikoa denez, Karkaran argitaratuko direla sarituak izan diren lanak.

 

Abenduaren 3an da Euskararen Eguna, baina 2an egingo dituzte ekitaldiak

Euskararen Nazioarteko Eguna ospatzen da azken urteotan abenduaren 3an Euskal Herriko hainbat txokotan eta Orion eta Aian ere izango du tokia. Eguna abenduaren 3an den arren, ospakizunak aurreratu eta abenduaren 2an euskara gogoratuko dute Orio eta Aiako hiru ikastetxeetan. Herri kirolak, euskaraokea, kantuak, tailerrak, ipuin kontalariak, filmak, lehiaketak…

Orioko Herri Ikastolan

• 10:45ean:  Lehen Hezkuntzako ikasleak Herri Kiroletan arituko dira.
• 11:00etan: DBHko ikasleak Euskaraokea egingo dute Euskal kantuekin.
• 12:00etan: Haur Hezkuntzako ikasleek lau euskal abesti kantatuko dituzte, gurasoak gonbidatuta daude haurrekin kantatzera.
• 14:30ean Lehen eta Haur Hezkuntzako ikasleak tailerretan arituko dira eta DBHko ikasleak Herri Kiroletan.

Zaragueta Herri Eskolan

• Goizean ikasle eta irakasleek horma-irudia osatuko dute euskarazko hitzik politenekin.
• 14:30: Solasaldia: Lehen Hezkuntzako 3.,4., 5. eta 6. mailako ikasle eta irakasleak ikastetxeko hainbat ikasleekin eta guraso batekin solasean arituko dira Euskara jakitearen eta erabiltzearen inguruan. Ikasle eta guraso horiek erdaldun girokoak izanda, Orioko egoera nola bizi duten adieraziko dute.
• 15:15: Kantu saioa: Ikastetxeko ikasle eta irakasleak kantuan denak elkarrekin.
• 15:30 Irrintzilariak: LHko 6. mailakoek irrintziaren inguruko hainbat kontu azalduko dituzte eta gero erakustaldia eskainiko dute eta ikasleek irrintziak entzungo dituzte. Ondoren saiakerak egiteko aukera izango dute.
• 15:50: Euskarazko kanta polit bat abestuz amaituko da arratsaldea.

 15:00etatik 18:00etara liburu truke azoka barruan, txartelarekin joanez gero, liburuak aukeratu eta hartu daitezke.

Aiako Lardizabal Eskolan

• Goizean 6. mailakoek bertso tailerrean Euskararen Egunerako propio prestatutako bertsoak abestu dituzte.
• Ondoren, lelo txapelketako sari banaketa egin dute. 1eta 2. mailakoek irabazi dute Euskaraz barra-barra, munduan ostadarra leloarekin.
• 10:00: Haur eta Lehen Hezkuntzako lehen zikloko ikasleek Ipuin kontalaria eta gainontzekoek Taniaren, Aian bizi den errusiarraren bisita. Euskararekin izandako esperientzia kontatuko die eta ikasleek elkarrizketa egingo diote eskolako aldizkarirako
• 11:30ean Film emanaldiak: Ilargiaren sekretua eta Lau harrigarriak.
  
• 14:30-15:30: Jolasak frontoian: Irrintzi lehiaketa eta txapel eta abarka jaurtiketa.
• 15:3: Txokolate jana musikaz lagunduta. izango dute.

Azaroaren 25era bitartean eraman ahal izango dira eta azoka abenduaren 2an egingo dute

Zaragueta Herri Eskolak Euskarazko Liburuen I. Truke Azoka antolatu du abenduaren 2rako. Aurrez, ordea, liburuak jaso, egoera onean daudela egiaztatu eta hala bada truke azokarako txartela eman behar denez, jadanik jarri dituzte liburuen bilketarako hitzorduak:

• Azaroaren 21etik 25era
• 16:00-17:00
• Zaragueta Herri Eskolako sarreran

Behar ez diren eta egoera onean dauden liburuak eraman beharko dira eta han adinaren arabera sailkatuko dituzte. Liburuak euskarazkoak izan beharko dira, haur, gazte zein helduenak; egoera onean eta osorik egon behar dira; eta bildumak, kopurua edozein izanda ere, txartel bakar baten truke aldatuko dituzte.

Ondoren, txartel bakoitzaren truke liburu bat hartzeko aukera izango dute azokan:

• Abenduaren 2an
• 15:00-18:00
• Zaragueta Herri Eskolan

Egitasmo honen helburu nagusia da euskarazko irakurketa suspertzea liburuen berrerabiltzea bultzatuz.

 

 

Goizero-goizero hostoek egunon esaten digute Berbaizuko lokalean eta Müllerenean. Ze berri?, galdetzen digute. Bero egiten du eta udazkena da, erantzuten diegu guk.

Giroa bada kaleetan eta hasi da apurka ikasturteko egunerokotasuna gurean. Horregatik, aste honetan martxan jarriko ditugu zenbait jarduera eta beste hainbeste interesgarri izango dira Deustualdean.   

Hasteko, Urtzi Urrutikoetxeak, Irakurlearen txokoan bisita egingo digu “Afrika Express” liburuaz mintzatzeko. Asteazkenarekin Bidarten izango da, zortzietan.

Txantxiku astialdi taldeak larunbatean hasiko ditu aurtengo jarduerak. Horretarako egun berezia antolatu duten larunbatean. Txantxikuak Euskalduna zubipean bilduko dira arratsaldeko bostetatik aurrera. Haurrentzako jolasak eta merienda izango dira besteak beste.

Gainera, asteburuan, Deustuko Gazte Lokalean II. Katalan Kultur Jardunaldia ospatuko da. Hona hemen kartela eta egitaraua.

Goza ezazue eta ondo hasi udazkena!

Azpeitian izango da urriaren 2an

Ikasturte berriaren hasierarekin batera, Kilometroak 2011, Gipuzkoako Ikastolen Festa iritsi da. Aurten Azpeitian izango da jaia urriaren 2an eta azken urteetako ohiturari jarraituz, Orioko Herri Ikastolak hara joateko autobusak antolatu nahi ditu.

• Irteera: 09:00etan autobus geltokian.

• Prezioa: 8€ (16 urtetik beherakoak) eta 9€ (16 urtetik gorakoak).

• Izen ematea: Irailaren 28a baino lehen, Ikastolako idazkaritzan edo Lore eta Uranga burdindegietan.

DBH 2. mailatik beherakoek, beraiekin arduratuko den nagusi baten izena eman beharko dutela jakinarazi dute antolatzaileek; DBH 3 eta 4. mailakoek, berriz, gurasoek sinatutako baimena eraman behar dute Ikastolara izena ematerakoan. Bestalde, esan dutenez, gutxieneko bidaiari kopurura iritsi ezean bertan behera utziko lukete autobus zerbitzua.

Irailaren 28an aurtengo lehenengo Irakurlearen Txokoa izango dugu Urtzi Urrutikoetxea Santutxuko idazlearen “Afrika express” liburuarekin. Honetan kontatzen digunez,  milaka afrikarrek iparralderantz egiten duten txango arriskutsua nabarmen erraztu da basamortuko errepidea asfaltatu zutenetik. Renault Express zahar bat hartuta Afrika Beltzeraino eramango gaitu Urtzi Urrutikoetxearen bidaia-kronikak.

Urtzi Urrutikoetxea Bilbon jaio zen eta kazetaria eta idazlea da. Euskarazko hedabide gehienetan aritu da, telebistan eta prentsa idatzian, batez ere. Borroka galduetatik gatoz eta Utzidazu karmina kentzen poesia liburuak eta Auzoak ipuin liburua idatzi ditu, besteak beste, eta Euskal Herritik kanpo Afrikan, Latinoamerikan, Europan eta Ekialde Hurbilean egin ditu erreportajeak.

---

Ekainaren lehen astean egin zen datuen bilketa Orion

Bi urtetik behin egiten du Udaleko Euskara Zerbitzuak neurketa, kalean euskararen erabilera zenbatekoa den jakiteko. Ekainaren lehen astean egin dute aurten eta 2009ko azken neurketakoekin konparatuta, datuak onak izan dira.

4.000 lagunen euskara jarduna neurtu dute guztira, eta datuak hiztunen adinaren arabera sailkatu dituzte. Espero bazitekeen ere neurketak egiaztatu du, haurrak eta gazteak direla, alde handiz, gainera, euskara gehien erabiltzen dutenak Orion.

• Haurrak (0-14 urte): %93,52
  
• Gazteak (15-24 urte): %90,02
• Helduak (25-64 urte): %61,19
• Zaharrak (65 urtetik gora): %77,24

1989an, orain dela 22 urte, egin zuten Orion lehen aldiz euskararen kale erabileraren neurketa. Ordutik honako neurketen emaitzak aztertuta, garbi ikusten da euskararen erabilerak oso nabarmen egin duela gora haurren eta gazteen artean, eta ez horrenbeste helduen eta zaharren artean. Adibidez, helduen erabilera %54,90koa zen 1989an eta aurten %61,19koa izan da aurten.

Urtez urteko datuen taula ikusi nahi duenak, Udal webgunean dauzka eskuragai.

Berbaizutik aurten ere gerturatzekoak gara EHZ festibalera!

          "

informazio gehiago HEMEN

Joateko asmoa baldin baduzue jarri gurekin kontaktuan! berbaizu@euskalnet.net edota 94 4471042 telefonora deituz

Aurten ere giro ezinhobea Arangoitiko Euskal jaian... maiatzaren azken egunetan ospatutako jaitxoa!

Bertan ere Deustuko Kantagintzak bere agerraldia egin zuen kantuan arituz eta jaia girotuz, txalapartariak, zanpantzarrak, azoka eta abar jarduerekin batera!



  

                          ARGAZKI GEHIAGO HEMEN

Sukalde-kontuen zale izan ez arren, animatu nintzen Bordatxoko Gorka “sukaldari mundiala”rekin ikastaroa egitera.

Bete-betean asmatu nuela argi dago, zalantzarik gabe. Orain beste modu batean aritzen naiz bazkariak prestatzeko orduan; lehen astuna eta gogo gutxirekin egiten nuena, ”derrigortua”, orain gustura eta arin-arin egin daitekeen lana bihurtu da.

Onena? den-dena goxo-goxo ateratzen dela, sineztezina!

Nabari da etekina atera diolgula ikastaroari. Gainera, giro lasai eta jatorrean, Gorkak prestatutakoarekin tripa bete dugu zapore goxo eta berriekin.

Inongo errezetarik eman gabe, sukaldean aritzeko eta gozatzeko, hozkailuari etekin handia ateratzen erakutsi digu. “Ez bota zaramara ezer”, janari merkeekin aurkezteko eta prestatzeko modu berriak erabiliz, munduko “chef” onena izan gaitezke-eta.

Saltsen eta kondimetuen mundua errezago bihurtu digu: gatz-motak, olioak, zapore-indartzaileak....

Aurrez prestaturiko jakiekin, berriz, mahaian eseriko direnei 5 minututan oso erakargarri eta benetan goxo dauden platerak prestatzeko aholku interesgarriak eman dizkigu gure Gorkak.

Oso gustura geratu gara, eta horren adierazgarri da azaroan berriz egiteko geratu garela denok (Gabonetako jatekoa beste modu batean prestatzen lagunduko digu, dudarik gabe!).

Berbaizuk antolatutako ekintza hau arrakastatsua izan da, argi dago. Gorkarekin 2. aldia izan da hau, eta lotuta dugu hirugarren bat ere. 4.,5. eta beste batzuk izango direla ziurta daiteke, oso interesgarria, erabilgarria eta gustu handiz egindako ekitaldia izan baita.

             

             

Sukalde-kontuen zale izan ez arren, animatu nintzen Bordatxoko Gorka “sukaldari mundiala”rekin ikastaroa egitera.

Bete-betean asmatu nuela argi dago, zalantzarik gabe. Orain beste modu batean aritzen naiz bazkariak prestatzeko orduan; lehen astuna eta gogo gutxirekin egiten nuena, ”derrigortua”, orain gustura eta arin-arin egin daitekeen lana bihurtu da.

Onena? den-dena goxo-goxo ateratzen dela, sineztezina!

Nabari da etekina atera diolgula ikastaroari. Gainera, giro lasai eta jatorrean, Gorkak prestatutakoarekin tripa bete dugu zapore goxo eta berriekin.

Inongo errezetarik eman gabe, sukaldean aritzeko eta gozatzeko, hozkailuari etekin handia ateratzen erakutsi digu. “Ez bota zaramara ezer”, janari merkeekin aurkezteko eta prestatzeko modu berriak erabiliz, munduko “chef” onena izan gaitezke-eta.

Saltsen eta kondimetuen mundua errezago bihurtu digu: gatz-motak, olioak, zapore-indartzaileak....

Aurrez prestaturiko jakiekin, berriz, mahaian eseriko direnei 5 minututan oso erakargarri eta benetan goxo dauden platerak prestatzeko aholku interesgarriak eman dizkigu gure Gorkak.

Oso gustura geratu gara, eta horren adierazgarri da azaroan berriz egiteko geratu garela denok (Gabonetako jatekoa beste modu batean prestatzen lagunduko digu, dudarik gabe!).

Berbaizuk antolatutako ekintza hau arrakastatsua izan da, argi dago. Gorkarekin 2. aldia izan da hau, eta lotuta dugu hirugarren bat ere. 4.,5. eta beste batzuk izango direla ziurta daiteke, oso interesgarria, erabilgarria eta gustu handiz egindako ekitaldia izan baita.

             

             

Otsailean Euskal Herri osoko 80tik gora hedabidek (tartean PREST! aldizkaria) euskarazko hedabide ez publikoen sektoreak egungo krisiaren aurrean bizi duen egoeraren berri eman genuen publikoki. Besteak beste, iragarri genuen hurrengo hilabeteetan euskal gizarteko instituzio eta alderdiekin biltzeko asmoa genuela, eta hala egin dugu.

Bilera horien emaitzaren berri eman nahi dizuegu. Honako instituzioekin bildu gara: Eusko Jaurlaritza, Nafarroako Gobernua eta hiru diputazioak. Eta baita alderdi politikoekin ere. Ipar Euskal Herrian oraindik bilera prozesuarekin jarraitzen dute.

Denen aldetik, harrera ona izan dugu eta sektoreak bizi duen egoera interesarekin jarraitu dute.

Sektorearen egoeraren berri emateaz gain, hiru esparru jorratu ditugu bereziki: diru-laguntzak, publizitate instituzionala eta herri erakundeekiko harremanak. Eta gure aldetik egindako eskaerak honakoak dira:

1. Diru-laguntza publikoetan 2012rako %25eko igoera eskatu dugu, krisiaren ondorioei hobeto aurre egin ahal izateko.

2. Publizitate Instituzionalaren %25 euskarazko hedabideetara bideratu dadila.

3. Instituzioekiko harremana: sektorea eta instituzioen arteko mahai bat osatzea bertan gure egoera estuaz jarduteko.    

Hiru arlo hauetan izandako emaitzak azalduko ditugu ondoren:

1. Mahaia. EAEko instituzioak prest agertu dira sektorearekiko harremanetan sakontzeko eta instituzio eta sektorearen arteko mahaia osatuko da gure egoera aztertzeko. Hori guretzat oso pozgarria da, gune horretatik eta elkar lanean bizi dugun krisi egoerari hobeto erantzungo zaiolako. Kontuan hartuta orain udaletxeak eta diputazioak berrituko direla, Eusko Jaurlaritzako Kultura Sailak irailerako HAKOBA deitzeko konpromisoa hartu zuen eta mahaia gune horretan eratuko litzateke.

2. Diru-laguntzak. Baina bileretatik kezkatuak ere atera gara. 2012rako diru-laguntzen igoera aipatzean, krisian gaudela gogorarazi zaigu eta eragozpenak sumatu ditugu. Jakina, ondo dakigu krisian gaudela eta horrexegatik hain zuzen aldarrikatzen dugu krisi garaietan laguntza publikoak ere gora egin behar duela. Krisian dauden beste sektore ekonomikoetan hala egiten da eta euskarazko hedabideen eremuan ere hala egin dadila eskatzen dugu. Eskatzen den igoera hori ez da 2 milioi eurora iristen; 2 milioi 100 hedabiderentzat. Ez zaigu iruditzen 600 lagun lanean ari den sektorean 2 milioiko igoera beste munduko eskaera denik.

3. Publizitatea. Publizitateari dagokionez, sektoretik eskatzen da publizitate instituzionalaren %25 bidera dadila euskarazko hedabideetara. Gaur egun ez dakigu publizitate instituzionalaren zein zati iristen den gure sektorera, baina badakigu eskatzen dugun horretatik oso oso urruti gaudela.

Eta hona iritsita, azken hilabeteetan alor honetan bideratu dugun beste ekimen bat azalduko dugu. Alderdien laguntza medio, Eusko Legebiltzarrean, Nafarroako Legebiltzarrean eta hiru biltzar nagusietan galdera parlamentarioak bideratu ditugu publizitatea nola banatzen den ikusteko, baina emaitzak eskasak izan dira.

Galdetzen zen ea 2008, 2009 eta 2010ean Eusko Jaurlaritzak, Nafarroako Gobernuak eta hiru diputazioek zenbat diru gastatu duten publizitatean eta zein mediotan. Eusko Jaurlaritza eta Nafarroako Gobernuko erantzunak jaso dira, baina Nafarroako Gobernukoak soilik erantzuten diote eskatutakoari eta bakarrik 2010ari dagokionez. Nafarroako Gobernuko datuak, ezin dira argigarriagoak izan  –Interneten publiko dira– eta erabat argigarriak dira: euskarazko hedabideetara bideratutakoa ez da %0,01era iristen. Diputazioetatik ez da erantzunik jaso.

Aipatutako hauek dira une honetan guk giltzarri moduan ikusi ditugun hiru gaiak, baina zalantzarik gabe gehiago ere badira. Sektorea dagoeneko lanean ari da irailean neurri zehatzak jasoko dituen proposamena mahai gainean jartzeko, eta espero dugu instituzioek ere lana aurreratuko dutela.

Errazena egin dugu, elkarrekin eseri eta sektorearen gaineko politika landu eta adosten saiatzeko proposamena onartu dugu. Orain, lan egitea dagokigu, eta akordiorako espirituarekin egitea lan hori, sektorearen ekarpena eta balioa kontuan hartu eta XXI. mendeko beharretara egokitu eta zabaltzen laguntzeko.

Hurrengo hilabeteetan gure agintariak 2012ko aurrekontuak lantzen hasiko dira. Dudarik gabe, hor izango dugu instituzioen borondatearen adierazle garrantzitsuenetako bat eta espero dugu aurrekontu horietan kontuan hartuko direla gure eskaerak. Horrek bakarrik ez, jakina, baina une estu hauetan horrek biziki lagunduko digu krisiari hobeto aurre egiten.

Publizitate kanpaina

Otsailaren 1ean argitaratutako editorial bateratuan sektoreko hedabide askoren egoera estuaz jardun genuen. Esaten genuen, besteak beste, gure gizartean euskarazko hedabideak funtsezkoak direla euskararen garapen eta normalizazioan, oso garrantzitsuak. Eta zer gertatzen zaigu sarritan, ba oso gauza garrantzitsuak ditugula gure artean, baina ez garela hortaz ohartzen gure artetik edo gure ondotik desagertu arte. Ea euskal gizarteari, euskaldunoi, ez zaigun hori gertatzen euskarazko hedabide askorekin. Halakorik gerta ez dadin ari gara lanean, eta arrisku hortaz ohartarazi nahi dugu gizartea.

Horregatik, honakoa da kanpainaren lelo nagusia: “Duten garrantziaz jabetzeko, faltan izan arte itxoiten dugu maiz. Euskarazko hedabideak, denon beharra”.

Kanpaina, datozen egun eta asteetan ikusi ahal izango da prentsa, irratia, telebista eta Interneten.

                                                                     PREST!aldizkaria            
eta beste 80 euskarazko hedabide ez publiko

Anjel Lertxundiren solasaldia izango da gaur, hilaren 8an, 19:00etan; otsailaren 9an, 16an eta 23an izango dira hurrengoak

Euskara batzordeak antolatuta, euskararen aldeko lanari bultzada emateko jardunaldiak izango dira otsailaren 8an –gaur–, 9an, 16an eta 23an Orio, euskarazko arnasgunea sendotu izenburupean. Herritarrei zuzendutako saioak izango dira guztiak; euskararen inguruan lanean dabiltzan edota lan horretan hasi nahi duten guztientzat.

Eredu berrien bila
20 inguru urte egin ditu Euskara Batzordeak lanean. Martxa hartua du eta ohitura bihurtu diren euskararen aldeko zenbait ekimen egiten dira urtero: literatur lehiaketa, kale-neurketak… Bi hamarkadetan, ordea, aldatuz eta hobetuz joan dira kontuak. Euskara teknikari Jabier Zabaletaren hitzetan, euskararen erabilera bultzatzeko ahalegina handiagoa da orain: eskolak normalizazio planetan sartuta daude, udalak dezente egiten du euskaraz, hamabostero euskaraz kaleratzen da Karkara… baina, egungo eredua agortu egin zaigu. Urte asko daramatzagu lan honetan eta azken urteotan geldialdia sumatzen dut: atzera ez aurrera gaudela iruditzen zait.
Egoera ikusita, ideia eta ikuspegi berriak bilatu nahi ditu Euskara batzordeak eta aurrerantzean zein bide hartu behar duen ondo pentsatu.

Horretarako garai  ona dela dio Zabaletak: Alde batetik, egoera politikoari dagokionez, aldaketak etor litezke eta gauzak beste modu batera egiteko aukera izan daiteke; bestalde, epe motzagoan, udal hauteskundeak ere badatoz; jende berria sartuko da udaletxean eta, beharbada, hausnarketa hau aldez aurretik egiteak zerbaitetarako balio dezake.

Arnasgunea
Euskara bizi-bizirik dauden tokiak dira euskararen arnasguneak: euskaraz bizi daitezkeen herriak. Euskal Herrian badaude horrelako batzuk oraindik, eta horietako bi dira Orio eta Aia; arnasgune horiek sustatzeko bidea jarri nahi du Euskara batzordeak.  Horixe bera izan da jardunaldietara etorriko diren lau hizlariei egin zaien galdera: nola indartu daiteke gure arnasgunea? 

Zabaletak adierazi duenez, ahal den neurrian, bertako jendearekin kontatu nahi izan dute hitzaldi-solasaldiak antolatzeko eta jarraian datorren programa osatu dute: Anjel Lertxundik hasiko ditu jardunaldiak otsailaren 8an. Euskararen beste arnasgune batetik, Leitzatik, datorren David Anaut izango da hilaren 9an. Otsailaren 16an, berriz, Jon Sarasuak hartuko du hitza eta Iñigo Fernandezen txanda izango da hilaren 23an.  Kultur etxean izango dira saio guztiak, 19:00etan hasita.

Praktikara
Lainoetan geratuko den hausnarketa hutsa izan gabe, eguneroko lanerako baliagarriak izan daitezkeen kontu zehatzetara ekarri nahi du eztabaida Euskara batzordeak. Behin bidea zehaztu ondoren, praktikara eraman nahi dute batzordekideek: lehentasunak zehaztu eta indarra non jarri behar den erabaki.

Goizetik hasi eta arratsaldera arte jarduera bereziak antolatu dituzte Lardizabalen, Zaraguetan eta Orioko Ikastolan

Abenduaren 3an Euskararen eguna dela-eta, toki berezia izango du gure hizkuntzak Orioko eta Aiako eskoletan, hainbat jarduera antolatu dituzte egun jakin horretarako eta.

Zaragueta Herri Eskolan, Guk ere euskaraz lelopean, ikastetxeko langile, ikasle eta gurasoei argazkiak aterako dizkiete Lehen Hezkuntzako ikasle zaharrenek, gero horma-irudia osatu eta eskolako harreran jartzeko. Horrez gain, euskara ikasi duen kanpotar bati elkarrizketa egingo diote. Bestalde, kantuan eta dantzan arituko dira ikasle eta irakasle guztiak eta bukatzeko, Shakirak bisita egingo die Zaraguetakoei euskarazko hitzik politena ekitaldia aurkezteko.

Orioko Herri Ikastolan, berriz, goizean goizetik kirolari helduko diote. Izan ere, herri kiroletan –lokotx biltzen, zaku-karreretan, txingetan…– arituko dira Lehen Hezkuntzako ikasleak 08:30etik 12:30era bitartean. Haur Hezkuntzakoek, berriz, euskal kantak abestuko dituzte 11:00etan hasita, eta altxorraren bila jardungo dute 11:30ean, Argitxok ezkutatutako pistei jarraituz. 12:00etan, Euskara Eguneko pregona irakurriko dute Ikasleen Euskara Batzordeak eta erromeria izango dute ondoren HHko haurrek.

Arratsaldea ere ez-ohikoa izango da ikastolako ikasleentzat: herri kirolak izango dira berriz, 14:30etik 16:30era, baina oraingoan DBHko gazteak arituko dira izerdia botatzen. Lehen Hezkuntzako ikasleak, aldiz, mahai-jolasetan –partxisean, okan, xakean…– jolasten pasako dute arratsaldea. Tailer eta jolasetan –aulki-jokoan, globo-dantzan, koilare-tailerrean…– arituko dira HHkoak ere.

Aiako Lardizabal eskolan ere goizetik ekingo diote Euskararen Eguna ospatzeari, eguraldi txarraren eta elurraren baimenarekin: txalaparta doinuekin hasiko dute eguna, 10:00ak aldera. Kopla batzuk kantatuko dituzte gero. Atzetik, ipuin kontalariez gozatuko dute Haur Hezkuntzako ikasleek. Euskara bere egin duen Pat Cowie gure lankide eskoziarraren bisita izango dute gero. Hitzaldia eskainiko du Cowiek eta ikasleen galderei ere erantzungo die. Herri kiroletan ere arituko dira eskolako guztiak eta indarrak errekuperatzeko guraso elkarteak emango duen txokolate beroa izango dute.

Bestalde, lelo lehiaketa jarri dute martxan Lardizabalen eta gaur lanak jasota, bihar bertan emango dituzte sariak.

LABen oharra

Bestalde, LAB irakaskuntzan-ek ere Euskararen Egunari buruzko oharra kaleratu du, Euskararen Eguna abenduaren 3an bakarrik? izenburupean. Horrela dio hitzez hitz:

Azken urteotan hainbat ikerketa eta ebaluazio egin dira ikastetxeetan ikaste-ereduen emaitzak aztertzeko. Eta horietan guztietan agerian geratu da egungo hizkuntza ereduen sistemak ez duela euskalduntzen. Horregatik, hezkuntza arloko eta euskalduntze arloko eragileak, eta euskal jendartea oro har, aspaldidanik ari dira eskatzen ereduen sistema gainditzea eta euskalduntzea bermatuko duen metodologia edo sistema ezartzea gure eskoletan (ikasle euskaldun eleanitzak bermatuko dituena).

Azken azterketa Euskal Autonomia Erkidegoan Hezkuntza Sailak egindakoa dugu ikastetxe publiko eta kontzertatuetako 37.000 ikasleren artean, LHko laugarren eta DBHko bigarren mailetan. Bertatik hainbat ondorio esanguratsu eta larri atera daitezke gainbegiratu azkar batean. Maila kaxkarrenari begiratzen badiogu, ikus dezakegu lehen hezkuntzan %27,1ak ez duela “hasierako maila” gainditzen, eta bigarren hezkuntzan % 33,5ak; D ereduan bertan, DBHn %22,5ak “hasierako maila” dauka, A ereduan berriz, hamarretik zortzi ikaslek ez du euskararen nahikoa ezagutzarik. Hizkuntzaren “maila aurreratuari” begiratzen badiogu, ikus dezakegu LHn % 29,2k ematen duela maila hori, eta DBHn soilik %24,1. 

Isabel Celaa anderearen ustez, emaitza hauek 2009koekiko hobekuntza adierazten dute, baina agerraldian adierazi zuenez, eskolak ezin du izan euskararen ezagutza bermatzeko tresna bakarra, eta beste hainbat faktorek ere eragiten dute.

Hezkuntza Sailaren azterketa hau Euskararen Eguna gertu dugunean ezagutu dugu, eta honek aukera ematen digu azken hausnarketa hauek egiteko. Batetik, eskubideak ditugu (herri baten eskubidea bere hezkuntza sistema antolatzeko bere kultura eta hizkuntzaren transmisio eta garapena ziurtatuz; eta herritarren eskubideak, legeetan jasoak, euskaren ezagutza bermatua izateko). Bestetik, betebeharrak (administrazioen obligazioak bermatzeko euskalduntzen duen sistema, besteak beste). Eta azkenik, egin beharrak (euskaldunok geure eskubideak bermatuak izateko, administrazioekin bat eginda, edo ez egunero geure esparruan egin beharreko).

Euskararen eguna izan dadila, jendarteko beste esparruetan bezalaxe, eskoletan ere euskal hiztunon eskubideak aldarrikatzeko eguna, administrazioen jarrera salatzeko eta administrazioak behartzeko eguna, eta eskola komunitate osoa  (ikasle, langile irakasle zein ez irakasle eta guraso) elkarrekin lanean jartzeko eguna. Hurrengo 364 egunak bezalaxe.

Ikasturte hasieran  lanean hasi ginen Deustualdean eta ziztu bizian pasatu zaizkigu hilabeteak, konturatu barik astebete baino ez zaigu falta EUSKARAREN EGUNA ospatzeko. Hala ere, esan dezakegu Berbaizuk dinamizatzen duen Euskararen Unibertsoak urte osoan zehar ospatzen duela egun hau.

Urtez urte lau lehiaketa martxan jartzen ditugu zentroetako ikasleen partaidetzarekin (6.mailatik hasita batxilergorarte): pegatina lehiaketa,
                                                                                                          
        
   
sms lehiaketa, marrazki lehiaketa eta berriena, mikroipuin lehiaketa  (ikasleen 78 mikroipuin jaso ditugu aurten bildumatxo batean, eta euskararen egunean 500 ale banatuko dira - elkartean ere edukiko ditugu batzuk banatzeko). 

           

Abenduaren 2an Bidarten sari banaketa eta guztion argazkia aterako dugu; eta  abenduaren 3an: EUSKARAREN EGUNA, zentro bakoitzak bere ospakizuna dauka eta pegatina irabazlearen aleak banatu egiten dira ikasleen artean.

            

Zentroetako ikasle guztiek landutako guztia ikusgai egongo da Bidarteko erakusketa gelan azaroaren 26tik abenduaren 3ra arte.

             

             

Euskararen Unibertsoa: Ibarrekolanda BHI, San Inazio Eskola, La Salle, San Inazio BHI, Intxitxu, Deustuko Ikastola, Deusto Eskola, Berritzegunea, Berbaizu.

Ikasturte hasieran  lanean hasi ginen Deustualdean eta ziztu bizian pasatu zaizkigu hilabeteak, konturatu barik astebete baino ez zaigu falta EUSKARAREN EGUNA ospatzeko. Hala ere, esan dezakegu Berbaizuk dinamizatzen duen Euskararen Unibertsoak urte osoan zehar ospatzen duela egun hau.

Urtez urte lau lehiaketa martxan jartzen ditugu zentroetako ikasleen partaidetzarekin (6.mailatik hasita batxilergorarte): pegatina lehiaketa,
                                                                                                          
        
   
sms lehiaketa, marrazki lehiaketa eta berriena, mikroipuin lehiaketa  (ikasleen 78 mikroipuin jaso ditugu aurten bildumatxo batean, eta euskararen egunean 500 ale banatuko dira - elkartean ere edukiko ditugu batzuk banatzeko). 

           

Abenduaren 2an Bidarten sari banaketa eta guztion argazkia aterako dugu; eta  abenduaren 3an: EUSKARAREN EGUNA, zentro bakoitzak bere ospakizuna dauka eta pegatina irabazlearen aleak banatu egiten dira ikasleen artean.

            

Zentroetako ikasle guztiek landutako guztia ikusgai egongo da Bidarteko erakusketa gelan azaroaren 26tik abenduaren 3ra arte.

             

             

Euskararen Unibertsoa: Ibarrekolanda BHI, San Inazio Eskola, La Salle, San Inazio BHI, Intxitxu, Deustuko Ikastola, Deusto Eskola, Berritzegunea, Berbaizu.

Urriaren 15a da izena emateko azken eguna

Ikasturte berriarekin batera, Mintzalagun egitasmoa martxan da berriro. Programa honen bidez, astean behin, ordubetez, euskaraz hitz egiteko elkartzen dira euskaraz dakiten lagunak euskara ikasten ari direnekin. 

Egitasmoak aurrera egin dezan ezinbestekoa da euskaldun berrien zein euskaldun zaharren parte hartzea. Interesa dutenek urriaren 15a baino lehen eman beharko dute izena ondorengo bideetako bat erabiliz: Urola Kostako AEK euskaltegietara, Zarauzko Udal Euskaltegira edo Orioko udaleko Euskara Zerbitzura jota; 943 13 01 75 telefono zenbakira deituta; edo e-mailez, urolakosta@aek.org helbide elektronikora mezua bidalita.

Gurasoak mintzalagun

Egitasmo honen baitan, Zaragueta eskolan eta Orioko Herri Ikastolan, Gurasoak Mintzalagun programa ere jarriko da abian. Haurrak eskolan dauden bitartean edota eskolatik irteten direnean euskaraz hitz egiteko guraso taldeak osatzea da helburua. Taldeak 3 edo 4 lagunekoak izango dira eta antolatzeko orduan kontuan hartuko dira bakoitzarentzako egoki diren egun eta orduak, baita zaletasunak ere. Haurrek etxera eramandako izena emateko orria ikastetxeko idazkaritzan entregatu behar dute urriaren 22a baino lehen parte hartu nahi duten gurasoek. Urriaren amaieran hasiko dira elkartzen.

Mintzalagun programari buruzko argibide gehiago jasotzeko Amaia Olazabalengana, programaren koordinatzailearengana, jo behar da: 943 13 01 75 telefonora dei edota urolakosta@aek.org helbidera idaz daiteke berarekin harremanetan jartzeko. www.urolakosta.blogspot.com weborrian ere jaso daiteke informazioa.

                            ONDO PASA OPORRAK,
                            HARTU ATSEDENA
                            ETA GOZAAAAAATU!



             Irailean bueltan gara berriro ere gogotsu!

                            berbaizu euskara elkartea

Aurten ez gara motz geratu eta hainbat gauza egiten ibili gara, beti ere gogo, nahi eta elkarlan hitzak azpimarratuz.

Berbaizuk dinamizatzen duen Euskararen Unibertsoak ikasleen partehartzea bultzatzen du hainbat ekintza eta lehiaketa ikasturtean zehar burutuz: pegatina lehiaketa, marrazki lehiaketa, euskararen eguna, mikroipuinak...
Gero ere Berbaizuk zentro bakoitzari eskeintzen dien jardueren zerrenda eskuragai dute: Bilbo eta Euskararen hiri ibilbidea, euskara elkarte bat zer den?, tailerrak...

Azkenengo bilera izan da gaurkoa, eta hurrengo ikasturteari begira egitasmo berriak martxan jartzeko gogoak omen daude.

Hamar lagun elkartzen gara urtean zehar (Deustualdeko zentroak) egitasmo hau aurrera eraman ahal izateko, eta beste berriren bat etorri nahi izanez gero aski lasai ongi etorria izango da.

Besterik gabe, egitasmoan parte hartzen dugun teknikarien agurra (egun euritsua dela eta, gaurko bileran gutxi ibili gara):

"agur, agur, agur ta ondo pasa oporrak!"

EUSKARAREN UNIBERTSOA: Intxixu Ikastola, La Salle, Ibarrekolanda Institutua, Deusto Eskola, San Inazio BHI,
Deustuko Ikastola, San Inazio Eskola, Berritzegunea , Matxintxu Euskaltegia eta Berbaizu

Lehen Hezkuntzako haurren gurasoekin 3-4 laguneko mintza-taldeak osatu nahi dira

Urola Kostako Udal Elkarteak duela urtebete Mintzalagun Urola Kostan programa jarri zuen martxan. Une honetan 50 pertsonatik gora ari dira parte hartzen —Orion 2 talde osatu ziren— eta, duen arrakasta ikusita, Gurasoak Mintzalagun sortu nahi du orain.

Horretarako, esperientzia pilotua egingo du Udal Elkarteak Aste Santutik ekainera bitartean eskualdeko lau ikastetxetan; eta, irailetik aurrera, parte hartu nahi duten ikastetxe guztiei zabalduko die aukera. Esperientzia pilotu horretan parte hartuko duten ikastetxeen artean dago Zaragueta eskola (Zarauzko Orokieta eta Antoniano eta Zumaiako institutuarekin batera).

Lehen Hezkuntzako haurren gurasoekin 3-4 laguneko mintza-taldeak osatu eta, astean ordubetez, euskaldun berriek euskaldun zaharrekin harremana izatea da helburua.

Izena emateko epea martxoaren 26an bukatuko da.