Aurtengo lehenengo Irakurle
txokoaren solasaldia izan dugu otsailaren batean eta gomitea UR APALATEGIri
egin genion "Fikziozko izterrak" ipuin bildumaz aritzeko
asmoz.
Interesgarria oso, bai liburua
eta noski egilea bera ere. Oso aberatsa den idazlea dugu Apalategi, literarioki
jakina.
Auñamendi mendien magalean,
euskal lurraldeetatik gertu, dagoen Pabeko Unibertsitatean literatura
ikertzaile moduan du lana eta gai honen gainean duen trebezia luzea eta zabala
argi geratu zen, laburra baino laburragoa egin zitzaigun ordu bat eta erdian.
Sorpresatxo batekin etorri zen
Deustualdera ere: liburuan agertu ez, baina ederra baino ederragoa
den ipuina kontatu zigunean. Eskerrik asko Ur.
Poeta, eleberrigilea,
saiakeragilea, ipuingilea, ikertzailea, azken finean idazlea, dugu Ur.
Gozatu egin genuen berak
emandako, liburua gauzatzeko, beharrezkoak diren arkitekturaren pautak.
Liburuaren izenburuan agertzen
denez fikzioa da haria nagusia, baina haratago joan nahi
zuen: fikzio konpartitua lortzeko asmoa
baizen egilearen helburua eta lana osatzen dituzten zazpi ipuinetan hori
da nabarmena. Hori eta idazlea-irakurle binomioaren artean nolabaiteko lotura
present dago obra honetan.
Gaiak bi dira nabarmenki:
Idazmena eta argitaratzeko gogoak alde batetik eta maitasun-sexu-adiskidetasuna
bestetik.
Hurrengoa noiz? Laister izango delakoan, adiorik
ez.
