Deustualdea (Bilbo): “Barrura begiratzeko leihoak” filma Kabian eta Sarrikoko unibertsitatean ikusgai (maiatzak 14-16)
Euskal presoen inguruko unibertsoari buruzko film luze dokumentala da “Barrura begiratzeko leihoak”, bost istorio labur independentek osatua. Bost zuzendari ezberdinek hartu dute parte bertan, subjektibitatetik lan eginez, sarri ezkutatua izan den errealitate sozial hau modu gizatiar batean erakusteko asmoarekin.
ZERGATIK FILM HAU?
Gaur egun ia 800 euskal preso politiko daude kartzeletan gatazka politikoarekin lotutako arrazoiengatik. Azken 50 urteetako historia egiten badugu, ostera, zenbakiak are ikusgarriagoak dira: 55.000 lagun espetxeratu dituzte doi-doi hiru milioira heltzen den herri batean. Asko torturatuak izan dira, bakartuak, urrunduak, sakabanatuak, espetxeko baldintza gogorrenetara kondenatuak, behin eta berriz umiliatuak… “Gerra” baten erdian gatibu, trukerako txanpon.
Eguneroko errealitatea mingotsa den arren, preso politikoak ezezagunak dira, diskurtso handien azpian estalita daudelako. Izan ere, hiru diskurtso handi nagusitzen dira gizartean: “heroien aldeko apologia”, “hiltzaileen kontrako apologia” eta Giza Eskubideei dagokiena. Film honek beste modu batean heltzen dio gaiari, eta epika guztien azpitik (edo gainetik) kokatu nahi da. Guretzako, presoak ideal baten alde borrokatu diren pertsona normalak dira, gu bezalakoak.
BI PASE
Maiatzak 14 asteartea: Sarrikoko unibertsitatean, ordua eta gela zehazteke.
Maiatzak 16 osteguna: San Inazioko Kabia Kultur Elkargunean (Orixe, 48) 20:00etan.
INFO + SANI TA IBARREKO HERRI BILGUNEA
PREST! aldizkaria | barrura begiratzeko leihoak’, kabia, san inazio, sarriko, uncategorized | ( Komentarioak )
