Drogetenitturri

 "Loreak basamortuan-Sahara en el corazón" lelopean saharauiekiko elkartasun asteari hasiera eman zitzaion atzo Lobiano kulturgunean "Lurra" arte instalazioarekin. Klemen Corredera ermuarraren instalazioa iganderarte ikusgai egongo da Lobianoko erakusketa gelan.

Gaur, osteguna, tearekin lagundutako tertulia bat izango da, Lobianon, Saharako egoera eta harrera programaren inguruan, arratsaldeko 7etatik aurrera.

Bihar, ostirala, zine-forum bat antolatu dute Sahararen inguruko film dokumental baten gainean. "Un grito en el Sahara" izango da filma, seguruenik, baina baliteke azken orduan aldatzea. Edonola ere, zine-foruma arratsaldeko 7 t'erdietan izango da, Lobianon.

Astea jaigiroan bukatuko da, ohiko lez, larunbatean, Ermuko plazan. Eguerdian herri bazkaria egongo da Saharauien jaki tipikoekin, eta arratsaldean umeentzako jolasak, Zaki magoa eta bukatzeko, Nómadas taldearen kontzertua.

Komite Internazionalistak eta Sahararen aldeko Ermuko plataformak antolatzen dituzte jardunaldiok, udalaren dirulaguntzarekin, eta jadanik Ermuko iraileko agendan zita finkoa bilakatu dira.

Ermuko Udaleko euskara zerbitzuak euskara ikasten aritu direnentzako 2010eko beka deialdia oraindik zabalik dagoela gogorarazi du. Euskara ikasten jardun duten pertsonek beren eskabideak aurkez ditzakete Abiapuntu izeneko bulegoan, Komentukua kalean. Eskabideak aurkeztu ahal izango dira datorren irailaren 30era arte, egun hori barne. Deialdiaren ezaugarriak iazkoaren antzerakoak dira, haiek hartu baitira oinarri gisa. Aurten deialdia aurreratu eta ikasturtea amaitu baino lehen egin da, nahiz eta epea betiko legez irailaren 30ean itxiko den.

Udalaren Abiapuntu zerbitzuaren webgunean dago informazio guztia. Egin klik hemen.

Ermuko udal Euskara Sailak bailarako beste herri batzuekin elkarlanean Aisialdiko Begirale titulua ateratzeko ikastaroa antolatuko du irailean. Ikastaro honen programa irakasgai ugari eta ezberdinekin osatzen da: soziologia, psikopedagogia, interbentziorako oinarriak, aisialdirako teknikak, esparru espezifikoak, udako egitasmoak, ludotekak, haur txokoak, eskulanak, talde dinamikak, osasuna, lehen sorospenak… Oinarri sendoko prestakuntza, guztira: eduki teorikoentzat 200 ordu erabiliko dituenak, horiei beste 120 ordu gehituko zaizkielarik praktiketarako.

Ikastaroa Irailaren 17an hasi eta urtarrilaren 29an amaituko da, saioak ostiraletan 16:00etatik 20:00etara eta larunbatetan goiz eta arratsaldez izango dira, horrez gain pare bat egonaldi ere izango dira Urtxintxako aterpetxean. Matrikulazio epea irailaren 1etik 10era artekoa da. Inskripzioa Ermuko Udal Euskara Sailean eta informazioa emailez euskara@udalermua.net, zein 943 179 147 telefonora deituz edo Urtxintxa eskolaren web orrialdean eskura daiteke. Ikastaroan parte hartzeko ezinbestekoa da 18 urte izatea, edota 2011eko maiatzaren 31a baino lehen betetzea. Ermuarrentzako 450 euro balio du matrikula eta gainontzekoentzako 550€, ordainketa bi epetan egin daiteke: lehena izena ematerakoan eta bigarrena azaroaren amaieran.

Ikastaroa bukatutakoan, Eusko Jaularitzak luzatutako Titulazio Ofiziala eta Unibertsitaterako kredituak eskuratuko dira.

(Ermua.es webgunetik hartutako informazioa)

Oporrak bukatuta, hileroko lehiaketaren azken eguna da bihar. Galdera errez bati erantzutea besterik ez duzu egin behar:

Zenbat galdera ditu Tribial Feministak?

Erantzuna Drogetenitturri aldizkariaren azken zenbakian aurkitu dezakezu, hemen.

Saria, Mallabiko Herriko Tabernan afari bat bi pertsonentzat.

Erantzunak, txikurixa@gmail.com helbidera bidali behar dira.  Aukera handiak dituzu. Parte hartu!

Drogetenitturri aldizkariaren uztaileko alearekin lagako zaituztegu abuztuaren 30era arte. Irudian klik egin pdf gisa eskuratzeko. Oporretatik bueltan izango gara berriz elkarrekin. Bitartean, oso ondo izan.

 Ermuan jaigiroa nabaria da egunotan, eta larunbatetik asteartera areagotuko da, Santixauetako egun handiak baitira.

Euskal Birusa Elkartetik jaiak eta euskarak bat egin dezaten ahalegintxoa egingo dugu. Euskararen "birusa" kutsatu eta kutsatu arazi, hori da gure nahia baita jai hauetan ere. Aurten "Atara ZaratA!" oihuarekin gatoz. Gora jaia! Bai, baina euskara mingainean bada, hobe!

Txosna daukagu Erdikokalen: "TXIKURIXA", edari eta bokata goxoak eta giro apartarekin. Ongi etorriak izango zarete guztiok. A, eta kamisetak ditugu salgai, polit-politak. Eta pegatinak. Eta jairako gogo itzela.

Zatoz!

 

 

Argentinako Sandra Rehder kantariaren tango kontzertua, euria aurreikusten denez, elizako arkupeetan izango da azkenean. Gaur, asteazkena, 22:30ean, doan, Santixauetako egitarauaren barnean. Bideoa topatu dugu sarean, Sandra Rehder-en artearen erakusle:

 

 

Ermuko Udal Liburutegiak 1.500€ jasoko du liburutan herrien arteko "Bizi-Letra" maratoian bigarren sailkatzeagatik. Hemen hitzegin genuen maratoi honi buruz. Ermuan, 200 pertsona inguruk hartu zuen parte, liburuetako pasarteak irakurriz eta liburuak gomendatuz.

Patricia Colaço kantari portugesak sortu zuen "Lusofonías" 2004an, Madrilen. Portugesez kantatutako musika tradizionala jorratzen dute, batez ere fadoa. Hemen entzun daiteke beraien musika, klik egin.

Gaur, 22:30ean izango da emanaldia, Valdespina parkean, doan, Santixauetako egitarauaren barnean. (Egitarau osoa hemen)

Hau da "Urko 69tan ezetz!" igoeraren kronika, Artarrai mendi taldearen blogetik hartua:

Larunbatean eguna ez zen altxatu oso goxoa, mendi puntetan lainoa eta euri fina tarteka-marteka botatzen bazuen ere, hitzordua betez Patxi plazan 62 lagun bildu ziren Urkora 69 minututan heltzeko asmoz. Denak tipa-tapa gora. Aurten, jendea oso fin ibili dela esan beharra dago, iazko aldean jende asko gehiagok proba irabazteko irrikitan egon da eta. Ia minutu baten tartean partehartzaile gehienak sartu ziren!. Horietariko 42 lagunek, berriz, 69 minutu baino apur bat gutxiago erabili zuten, beraz, guztiak deskalifikaturik izan ziren. Azkenean, bakarrak irabazi behar eta ia fotofinis eta guztiz Jose Antonio Unanue, Txangak irabazi zuen proba 69 minutu eta 3 segundotan.

Santixauetarako martxa hartuta, gaur, ostirala, arratsaldeko 7etan, Orbe Kardinalaren plazan, dantza emanaldia izango da Txindurri taldearen eskutik, eta gaueko 10,30ean, BERTSOLARI JAIALDIA Valdespinako Markesaren parkean, Deba-Beheko Bertso Eskolak antolatuta. Bertan izango dira Beñat Ugartetxea, Mikel Olaizola, Jone Uria, Odei Barroso, Ane Labaka eta Aitor Urrutia bertsolariak.

Bihar, larunbata, kirol ekitaldi ugari izango da egunean zehar, tartean "Urko 69tan ezetz!" igoera, eta gauean, San Pelaio parkean Coti argentinarraren kontzertua.

Igandean Santixauetako egitarauak jarraitzen du kirol ekitaldiekin eta kultur zentroek plazan antolatutako folklore jaialdiarekin. Santixauetako egitarau osoa, hemen.

Aritza Rodríguezek sortu eta antzeztutako "Mortimer" ikuskizunean clown bat topatuko dugu, eta akrobaziak, zuzeneko musika, sorpresak... Helduentzako ikuskizun honetan Mortimer ezagutuko dugu, hildako bere maitalearekin elkartzera joan nahi duen pertsonaia, eta horretarako laguntza eske dator gugana. Antzezpena euskaraz izango da.

Euskal Birusak antolatutako ekitaldia dugu hauxe, Ermuko Santixau jaietako egitarauaren barnean. Valdespina parkean da zita, 22:30ean.

Gaur, asteazkena, Santixauetako egitarauaren lehendabiziko ekitaldiak ditugu Ermuan. Arratsaldeko 7etan txarangen arteko jokoak hasiko dira plazan, soka-tira probarekin. Eta gauean, Valdespina parkean, Betto Snay-ren hip-hop kontzertua izango da, Komite Internazionalistek antolatuta.

Betto Snay izenaren atzean José Augusto Ribeiro dago, Bilbo aldean bizi den Angolako semea. "El mundo al revés" da bere lanik berriena eta berau aurkeztera dator Ermura. Informazio gehiago bere myspace gunean.

 

Larunbatean, hilak 17, egingo da bigarren aldiz "Urko 69tan ezetz!" ekitaldi mendizalea, Artarrai mendizale taldeak deituta.

Lehiaketaren xedea Urkora igotzea da, baina 69 minututan, eta ezin izango da erloju edo kronomnetrorik eraman. Arau guztiak Artarrairen blogean zehaztuta daude, egin klik hemen.

Argazkikoa iazko izen emate unea da. 68 lagunek hartu zuten parte eta Jokin Uriarte gazteak irabazi zuen 69 minutu eta 27 segunduko markarekin.

Iazko igoerari buruz hemen idatzi genuen, klik egin.

Sallabente auzoa jaietan murgilduta dabil egunotan. Arratsalde honetan bertan Erdi Aroko Merkatuaren VII. edizioa irekiko da, ostiraletik igandera artean mantenduko dena. Arratsaldeko seietan mahai-jokoen finalak jokatuko dira. Zazpi eta erdietan buruhandien kalejira egingo da. Gauean play-back saio irekia egingo da, adin guztietako pertsonentzat. Gaueko hamaika eta erdietan Zeus orkestrak dantzaldia girotuko du.

Halaber, auzo honetako jai egitarauaren honen barne, Erdi Aroko merkatuaren VII. edizioa egingo da aurten. Edizio honetan, erdi aroko musika eta emanaldiak nagusituko dira, zer ikusi, zer erosi eta kalejirak izango baitira.

Egitaraua deskargatu ahal da hemen klik eginez.

Ermuko Udal liburutegiak Bizi-Letra ekimena ekarriko du bihar, osteguna, goiz eta eguerdiz, Ermuko erdigunera.

Bizi-Letra liburutegien arteko maratoi-lehiaketa bat da, eta saria 2000€ko ale sorta bat da, irabazten duen liburutegiarentzat. herri desberdinetatik pasatu ondoren, ostegunean Ermuan izango dugu. Zertan datza? Oso erreza. Bizikleta egokitu bat egongo da, gidariarekin, eta atzean irakurleak joango dira, liburu, aldizkari edota egunkari bat ozen irakurriz. Irakurri ahala, bizikleta mugituko da Ermuko erdigunetik.

Parte hartzeko bi modu daude. Bata, bizikletan irakurriz, horretarako izena eman behar da 943 17 92 12 telefonoan edota biblioteca@udalermua.net helbidean. Beste aukera da, ostegun goizean Patxi plazan egongo den postuan liburu gomendioak egitea. Parte hartzaile guztien artean liburua, poltsa eta elastikoak zozketatuko ditu udal liburutegiak.

Ekimenaren helburu nagusia ekimenarekin bat egiten duten herri guztien artean 365 kilometroko luzera betetzea ahotz ozenez irakurtzen, hau da, kilometro bana urtearen eguneko. Jardueran parte hartzeak, saria du. Punturik gehien lortzen dituzten bi herriek irakurzaletasuna sustatzeko 2000 euro balio duen ale multzoa jasoko dute. Zeintzuk herri diren garaileak aukeratzerakoan herri bakoitzeko liburutegiak dituen bazkide kopurua, erroldako datuak, parte hartzaileak eta egindako kilometro kopurua kontutan hartu eta media egingo da.

Informazio gehiago hemen.

UZTAILAREN 14a, ASTEAZKENA
Arratsaldeko 7etan, Orbe Kardinalaren plazan, SOKA-TIRA   lehiaketak emango dio hasiera Txarangen Batzordeak antolatutako txarangen arteko jokoei.
Gaueko 10,30ean, Komite Internaziolistak antolaturiko, HIP-HOP KONTZERTUA Valdespinako Markesaren parkean Betto Snay-ren  eskutik.

UZTAILAREN 15a, OSTEGUNA
Arratsaldeko 7etan, txarangen arteko joko gehiago Orbe Kardinalaren plazan. Oraingo honetan PEPINOA eta ARTABURUaren probak izango dira.
Gaueko 10,30ean, Valdespinako Markesaren parkean “Mortimer” KALE IKUSKIZUNA, Kukubiltxo taldearen eskutik, Euskal Birusak antolatuta.

Jada erabilgai dago eta irailaren 5era arte zabalik egongo da.

Udalaren webgunean irakurri dugunez "aurtengo denboraldiko berrikuntza nagusiak bi dira. Lehena, obra eta zerbitzuetako langileak presa txiki bat prestatu izana da, urak dakartzan hosto, makilatxo eta zikinkeriak geldiaraz ditzan, eta horretan egin beharreko mantenu eta garbiketa lanak errazteko. Bigarren berrikuntza, ibaiaren ibilguan harriz eginiko mendoitz bat prestatu da, neguko denboraldiek mendi-mazela eraitsi baitzuten. Sorospen eta salbamendu zerbitzua ‘Deosan kirol zerbitzuko’ enpresari esleitu izan zaio. Horren langile bi bainua hartzera joaten direnen segurtasunaz arduratuko dira, eguneko eguerditik arratsaldeko zazpietara bitartean. Enpresa hori udal kiroldegian sorosle lanak egiten duen berbera da."

Igerilekuak sakonera ezberdina du, gutxieneko lekuan 20 zentimetro izanik eta gehienengoan 200 zentimetrora arte iritsiz. Errekaldeko igerilekuan honako azpiegiturak daude: komun kimikoa, aldagela bi, hainbat paperontzi, iturria, erretokiak , mahai eta jarlekuak.

Udal brigadak herritarren laguntza eskatu du eta, batez ere, erabiltzaileena ‘instalazioa eta bere osagarriak denboraldian zehar egokiro mantendu eta errespetatzeko, guztiok behar bezala izan ditzagun’.