Prest!

URRIAREN 6an, asteazkena
Far Westeko Euskal Herria, Asun Garikano
20.00etan Bidarten

                            ONDO PASA OPORRAK,
                            HARTU ATSEDENA
                            ETA GOZAAAAAATU!



             Irailean bueltan gara berriro ere gogotsu!

                            berbaizu euskara elkartea

Beste urte batez EHZ-k arrakastaz eta zarataz bete zituen orain dela hamabost egun Heletako bazterrak. 700 laguntzaile baino gehiagoren laguntzaz aurrera ateratzen den festibal eredugarri honek ez gaitu inoiz gosez uzten, eta aurten ere denetik bizitzeko aukera eman digu bertaratu garen guztioi.

Berbaizuren eskutik hurbildu ginen dozena lagunek ederki gozatu genuen, nahiz eta txandaren bat bestea baino luzeagoa egin... Kontzertuen aukerak, ostiraleko kantzelazio eta guzti, denok asetzeko bidea eman zuen, eta baten bat aipatzearren, gaur bertan Berrian elkarrizketa egin dioten Rachid Taha musikaria aipatuko dugu. Interesgarria elkarrizketa, bide batez.

Kontzertuez gain, askorako aukera ematen du EHZ-k baina, eta dudarik gabe, ezin aipatu gabe utzi gure Kantuzaleen Txokoaren paradisu izateko jaio zen herri bazkariaren osteko kantasaioa. Han jo zuen txaranga gonbidatu beharko genuke hurrengo Kulturgileen Plazara... Agian Laborantza Ganbarara deitu beharko dugu euren telefono eske...

Dena ez da positiboa izan ordea. Ostiraleko ekaitzak eta ondotik etorritako kantzelazioak 200.000 euroko zuloa ekarri dio festibalari. Tamainako zuloari aurre egiteko, sustengu ekonomikoa adierazteko aukera izango dugu:

* hemen klik eginez

* edo posta arruntaz helbide honetara dirua bidaliz:

EHZ, 4 Francis James Karrika. 64.240 - Hazparne

Bukatzeko, honatx Festibala zer den erakusten duen argazkia:

eta hemen  sakatuta gehiago.

Ea datorren urtean EHZra joateko eta partehartzeko aukera dugun.

Atxik EHZ!!

Prest! aldizkariak ehun zenbaki bete ditu eta marka garrantzitsu hori ospatzeko uda  honetarako kamiseta mundialak jarri ditu salgai. Hainbat kolore eta hainbat talla daude aukeran.

                   

                   

 

 

 

 

           
Umeen kamisetek 10€ balio dute eta nagusienek 12€.
Pasa zaitezte Berbaizuren lokaletik eta eskuratu zuen kamiseta

 

Giro oso polita solstizio gauan!

Umeek eta gazteek euren ikasturteko liburu, apunte eta abarretakoak sutara bota zituzten eta beste batzuk  paperetan sekretuan apuntatutako eskaerak.
Musika, tailerrak, azoka, txalapartariak eta betiko txorizoa eta txokolatada guztiontzat egon zen!

Ondoren suak bere indarra galdurik, jendea salto egiteari ekin zion, bat, bi, hiru... GORA SAN JUAN!



argazki gehiago HEMEN

Aurten ez gara motz geratu eta hainbat gauza egiten ibili gara, beti ere gogo, nahi eta elkarlan hitzak azpimarratuz.

Berbaizuk dinamizatzen duen Euskararen Unibertsoak ikasleen partehartzea bultzatzen du hainbat ekintza eta lehiaketa ikasturtean zehar burutuz: pegatina lehiaketa, marrazki lehiaketa, euskararen eguna, mikroipuinak...
Gero ere Berbaizuk zentro bakoitzari eskeintzen dien jardueren zerrenda eskuragai dute: Bilbo eta Euskararen hiri ibilbidea, euskara elkarte bat zer den?, tailerrak...

Azkenengo bilera izan da gaurkoa, eta hurrengo ikasturteari begira egitasmo berriak martxan jartzeko gogoak omen daude.

Hamar lagun elkartzen gara urtean zehar (Deustualdeko zentroak) egitasmo hau aurrera eraman ahal izateko, eta beste berriren bat etorri nahi izanez gero aski lasai ongi etorria izango da.

Besterik gabe, egitasmoan parte hartzen dugun teknikarien agurra (egun euritsua dela eta, gaurko bileran gutxi ibili gara):

"agur, agur, agur ta ondo pasa oporrak!"

EUSKARAREN UNIBERTSOA: Intxixu Ikastola, La Salle, Ibarrekolanda Institutua, Deusto Eskola, San Inazio BHI,
Deustuko Ikastola, San Inazio Eskola, Berritzegunea , Matxintxu Euskaltegia eta Berbaizu

Karraspio hondartzan egin genuen surf ikastaroa Dzingua elkartearekin maiatzaren 23.



Eguna nahiko ondo atera zen: eguraldi ona eta ume asko. Bi taldetan banatu ginen eta batzuk surf egin bitartean besteak bolley-ballean egon ziren eta ondoren aldaketa.



Ikastaroan hainbat monitore zeuden gurekin eta zenbait joku egin ziren uretan.





Ondo egon zen olaturik askorik egon ez arren eta horrez gain, danak moreno moreno!!

Aurten uztailaren 19tik 30era Berbaizu Euskara Elkartearen Txantxiku Astialdi Taldeak Acedo kanpinean  (Nafarroa) egingo ditu udalekuak.

Informazio bilera ekainaren 24an izango da arratsaldeko 19:00etan Bidarten.

* kontaktua: txantxikunet@hotmail.com


                                   

Beste behin ere, Deustutik laguntzaile taldetxo bat joango gara!
Bi aukera daude: egun baten bi txanda edo bi egunetan lau txanda.

Hemen egitaraua:

http://www.ehz-festibala.com/
 


94 447 10 42 - berbaizu@euskalnet.net

Pasadan ekainaren 2an Irakurlearen Txokoan 13-15 pertsona bildu ginen Fermin Etxegoienekin, bere Autokarabana eleberriaren gaineko tertuliatxoa zabalduz.

Oso pertsona hurbila eta jatorra iruditu zitzaigun Fermin, eta fikzio istorio honen gaineko hainbat zalantza, desadostasun edota kritikak aski lasai komentatu ziren.

Aurten ere, Berbaizuk dinamizatzen duen Euskararen Unibertsoak II.mikroipuin lehiaketa antolatu du.



Ikasleen trebezia, sormena, hizkuntza aberastasuna eta orijinaltasuna kaleratzeko asmoz, 20 lerrotan pasartetxo bat kontatzea da lehiaketaren helburua.

Ikasturte honetan,  Deusto Eskola, Ibarrekolanda,
San Inazio Eskola, Deustuko Ikastola eta San Inazio zentroek parte hartu dute, guztira 76 mikroipuin. Epaimahaia Berbaizuko hiru kide izan dira.

Irabazleek aukera izango dute iraileko PREST! aldizkarian tartetxo bat izatea eta ondoren, Euskararen Egunari begira, jasotako ipuintxo guztiak liburuxka batean bilduko dira egun horretan banatzeko.

Hemen irabazleak, ZORIONAK!

GORANE PEREZ, Intxixu Ikastola (6.maila)
Jon eta bere burutazioak

Bazen behin  mutiko bat Jon izenekoa klasean bere gauzetan pentsatzen zegoena, andereñoa gauza bat azaltzen ari zen bitartean. Orduan andereñoak Joni galdetu eta ez zekienez erantzuna, ilargian zegoela esan zion. Horregatik kalera joateko eta Ilargiaberari ekartzeko proposatu zion.

 

Orduan Jon pasilloan zegoela paretari ostikoak jotzen hasi zen. Bat batean, Jonek buelta eman eta…                                                                                                                  

 -Zer zaude egiten  ni  jotzen ? Nik  ez dizu ezer egin- esan zuen  paretak.                                                                            

 

–Ja, baina  andereñoak kanporatu nau eta ez zeukan arrazoirik- erantzun zuen Jonek.-Gainera, ilargia berari eramateko  esan dit. 

                                                                                    

-Hori esan dizu, seguru? Zatoz,zatoz, gurutzatu nazazu.   

 

Jonek kasu egin eta pareta gurutzatu zuen. Orduan mutikoa ilargian agertu zen.

 

-A!! non nago? Uste dut ilargian nagoela!! Berehala konturatu zen  andereñoak eskatu zionaz.

 

-Badakit!!! Ilargiko harri bat hartuko dut eta eramango diot ia zer esaten duen.

Orduan harria eskuan hartuta eskolara bueltatu zen.

 

Klasean sartu eta andereñoa harrituta gelditu zen:                                                                                                                                                                                                                                                                                              

-Zer da hori, Jon?

 

-Ilargira joan eta zuk eskatutakoa ekarri dizut.

 

-Ai Jon!! zu eta zure  burutazioak .

OLATZ ALONSO, San Inazio (DBH2)
 Ikusmen ordez, entzumen

Riiiing! Mikelen sakelako telefonoaren alarma,

ohetik altxatzeko abisatzen nauena.

Begiak zabaldu eta beti bezala dena ilun, dena beltz.

Ohetik altxatu, komunera joan eta txxxxx!

Goizero soinu berdina, momentu berdinean.

Beti bezala, jantzi eta gosaldu ondoren, ding, dong!

Ateko txirrina. Korrika batean kristal beltzeko

betaurrekoak hartu eta atea zabaltzera noa.

June da, klase batera joateko galdezka.

 Klaserako bidean, klan, klan, klan, klan!

Takoidun pausu batzuk korrika gure atzetik.

Buelta eman, eta Irantzu dabil korriketan.

Besotik heldu, eta hirurak batera goaz klaserantz.

Tik, tak, tik, tak… Orduak eta orduak pasa ostean

azkenean lau t’erdiak heldu dira. Riiiiing! entzun eta

jende mordoa hasten da pasabidetik oihuka;

Klaseak amaitu diren seinalea. 

Etxera heltzean, auzokoen txunda, txunda! entzuten da,

beti bezala. Baina horrela ez da dena geratuko: Tariro, tariro…

Nik nire musika bolumen osoan jartzen dut!

Orain musika nahaste arraro bat agertu da:

txuntariro, txuntariro!

Egunero bezala, nahaste honekin konformatu beharko!

Tik, tak, tik, tak… Orduak pasa eta gaua heldu da,

lo egiteko momentua.

 

Riiiing! Mikelen sakelako telefonoaren alarma,

ohetik altxatzeko abisatzen nauena.

MAIALEN EZKURRA, Deustuko Ikastola (DBH3) 
Saguzarra

Saguzarra eta ni lagun handiak gara. Gero  eta gutxiago ikusten dugu elkar, baina sarritan idazten dizkiogu gutunak batak besteari. Oso gogoko dut eskutitzak idaztearena, hala izan zen eta, elkar ezagutzearen arrazoia.

 

Oraindik gogoan dut zazpi urte bete nitueneko gau hura. Etxean nengoen familiakoekin, eta halako batean, jaten ari nintzen bitartean, hortz bat erori zitzaidan. Pozaren pozez nengoen, eta oheratzerakoan, burkoaren azpian utzi nuen hortza. Beti egin ohi den bezala, mesanotxeko argia piztuta utzi nuen, saguzarra nigana etor zedin. Gau hartan, desio bat eskatu nuen: saguzarra ezagutu ahal izateko desioa. Honela lokartu nintzen, desira buruan nuela. Hurrengo goizean, eskua burko azpian sartu eta non eta gutun bat aurkitu nuen. Zera zihoen: hurrengo hortza erortzen zaizun gauean, itxaroidazu itzarrik. Eta hala egin nuen. Erdi lokarturik egon arren, ez nituen begiak behin ere itxi, eta gauerdi aldean, saguzarra agertu zen. Hasieran mutu geratu arren, segituan hasi ginen geratu gabe hitz egiten. Bere etxera gonbidatu ninduen, eta ezetz asmatu zerez zegoen eraikita: hortzez! Guztiz harriturik nengoen, hortz bakoitzak distira izugarri bat isurtzen zuen eta.

 

Egun hartatik aurrera, erortzen zitzaidan hortz bakoitzean ikusten genuen elkar, eta beti ezberdin zegoen bere etxera gonbidatzen ninduen. Orain, hortz guztiak eroriak dauzkat,

eta lantzean behin baino ez gara elkarrekin egoten. Baina gutunak, bata bestearen atzetik idazten ditugu.

Egun hauetan Deustuko Gazte Alai astialdi taldeko begiraleek, Berbaizuren Txantxiku astialdi taldekoekin batera,
Ttakun elkarteak eskaintzen duen lau orduko Hezitzaileek asko egin dezakete ikastarotxoa egin dute.

Pasadan urtean Topaguneak, hainbat euskara elkartek eta Ebete Hizkuntza Zerbitzuek diseinatutako "Elkarteetan Eragiten Hitzarmengintzaren bidez" prozedurari jarraituz, abian jarri genituen hainbat harreman Deustuko beste elkarte batzuekin.

Landutako hitzarmenen artean, Gazte Alai astialdi taldearekin adostu genituen hainbat atal eta horien artean bat, taldeko hezitzaileen hizkuntza-eraginaren gaineko formazio saio bat jasotzea izan zen. Ikasturtea amaitu baino lehen egitea zen helburua, eta halaxe egin dugu.

argazkian hezitzaileak eta Ttakuneko emalea Bidarten egindako formazio saioan

Orain, hitzarmenaren beste arloak aztertu eta ebaluatzea izango da hurrengo urratsa. Dena dela, gure elkartearentzako erronka hitzarmenak zabaldu, haur eta gazteez gain arlo berrietara heldu eta Deustuko elkarteen artean urterik urte hitzarmen gehiago lortzea izango da.

Asteazken honetan Irakurlearen Txokoan Fermin Etxegoien eta Autokarabana.

Hemen, hemen eta hemen liburuari buruzko zenbait.

Azken hileotan Ibarrekolandako institutuan eta Deustuko Ikastolan ibili gara DBH4 mailako ikasleekin euskara elkarteen gaineko jakingarriak lantzen: zer egiten dugun, zertarako sortu diren, zein helbururekin, nortzuk biltzen dituzten... dena formato dinamiko eta umerotsu batean. 

Hizkuntzarekiko sentsibilizazioa lantzea da xedea, eta elkartearen esperentziatik abiatuta hausnarketa txiki bat bultzatu nahi izan dugu gazteekin.

Hasiera batean harridura izan da nagusi, baina berehala hasi izan da eztabaida eta iritzi trukaketa: "Bai, baina Bilbo erdalduna da” diño batek , “Euskara komunikatzeko beste hizkuntza bat baino ez da” beste batek , “sentimendu bat da” gelako atzeko partetik ere entzuten da…

Euskaraz bizitzea, bide ezberdinetatik abiatuta ere, posible dela eta batzuk horrela egiten saiatzen direla mahai gainean jartzea da helburu nagusia, eta alde horretatik interesgarriak eta probetxugarriak izan dira saioak oso.

Ibarrekolandako Institutuko eta Deustuko Ikastolako gazteak

Beste jarduera interesgarri bat ere Ibarrekolandako Institutuko EGA ikasleekin egindako Hiri Ibilbidea da. Pedro eta Aitor Zuberogoitia anaien "Bertan Bilbo" liburuan oinarrituz egindako ibilbidea dugu honakoa.

Hiriko kaleak zeharkatzeaz bat, XX. mendeko pasarte zehatzak kontatu eta Bilboren eta euskararen arteko harremana ibilbide luzekoa dela azaltzen da, historia sozialaren, espazioaren, hizkuntzaren eta hiriaren irudiaren arteko loturak landuz. Eta aldi berean gure hiriarekiko eta hizkuntzarekiko ikuspegiak jorratuz.

Areatzan Balendin Enbeitaren eskulturaren aurrean Ibarrekolandako ikasleekin

Udazkenean burutu genuen lehen Hiri Ibilbidea oinarri hartuta, hona Ibaizabal telebistak eginiko saioa:

" title=" ">

Ane eta Amaiaren eskutik:

">

Orain arte ikusgai izan dituzue apirilak 24ko bideotxo batzuk,  oraingoan...
egunean zehar ateratako argazkiak!

hemen IKUSGAI!

Maiatzak 23, igande honetan,
eguerdiko 12.00etan Plaza Eliptikatik

http://kaleakaske.blogspot.com/

Pasadan apirilaren 24an Kulturgileen Plazan Tunizia bidai zozketa egin zen.

Urduritasuna edonon, azarotik karteran gordeta geneukan zenbakia ateratzeko irrikaz. Umeek, Amaiur eta Berbaizukide batekin batera, zenbakiak kantatzen hasi ziren, baina inork ez zuen eguneko zortea izan.

Gure sorpresa, hurrengo astelehen goizean zenbakiak blogean publikatu ondoren, PATXI EREZKANO jauna poz pozik agertu zenean bere papeleta irabazlearekin!

ZORIONAK!

zenbaki sariduna: 1282


Patxi Erezkano zenbaki sariduna eskuan duelarik
Izargi Bidaiako langilearekin

Pasadan apirilaren 24ko Kulturgileen Plazan Tunisiarako bidaiaren zozketa egin zen.

Urduritasuna edonon, azarotik karteran gordeta geneukan zenbakia ateratzeko irrikaz. Umeak, Amaiur eta Berbaizukide batekin batera, zenbakiak kantatzen hasi ziren, baina han geundenotatik inork ez zuen eguneko zortea izan.

Gure sorpresa, hurrengo astelehen goizean zenbakiak blogean publikatu ondoren, PATXI EREZKANO jauna poz pozik agertu zenean bere papeleta irabazlearekin!

ZORIONAK!

zenbaki sariduna: 1282


 Izargi Bidaiak-eko ordezkaria eta Patxi Erezkano zenbaki sariduna eskuan.

Bukatu da aurtengo patinatzaileen ikastaroa! Oso gustora ibili dira, batez ere azkenengo egun eguzkitsuetan.

Euskalduna zubi azpian dagoen pistara heldu, euren patinak jantzi eta leku batetik bestera patinatzen hasten dira berotzeko. Ondoren, irakaslearen azalpenei jarraitu eta ordubetez gogotsu ibiltzen dira gure neskak!

Zero mailan hasi ziren urrian,  hobekuntza maila egitea erabaki zuten martxotik aurrera, eta hurrengo ikasturtean jarraitzeko asmoa dute!

Jakin ere, lehen aldiz probatu nahi duzuenentzako aukera izango duzuela irailean, zero mailan hasteko taldea sortuz gero.

1,2,3... patinatzera!


2009-2010 patinaje taldea