Ttipi-Ttapa

Leitzan eta Goizuetan bezalaxe, Beran eta Elizondon ere atera dira kopla kantari Santa Ageda bezperan. Eguraldi kaxkarrari aurre eginez, Labiaga eta Baztan ikastolaren ekimemez, gurasoak, haurrak eta irakasleak karrikaz karrika ibili dira santa eskean. Lesakan, aldiz, aurten ez dira atera.

Udalerri Euskaldunen Mankomunitateko herri eta bizilagunak biltzen dituen aurtengo UEMA Eguna Goizuetan ospatuko da. Ekainaren 9an izanen da, eta egun guztiko festa izanen denez, prestaketa lanak egiten hasi beharrak dira Goizuetan. Herri mailan lantaldea osatu nahi da eta bilerak egiten ere hasiak dira.

Elurra, izotza eta tenperatura baxuak oztopo izan ziren, baina ez zuten lortu Bardoak 2012ko saioetako berotasunarekin amaitzea. Osotara, Nafarroako taldekako txapelketako lau saio egin dira asteburu honetan eta horietan guztietan nabarmentzekoa da egon den giro bikaina –hiru saio afariarekin izan ziren-, entzule kopurua -250 entzule osotara- eta saioek eman duten maila ona.

Emakume Abertzaleen bosgarren Topaketa Feministak Leitzan eginen dira martxoaren 2tik 4ra, Euskal Herriko Bilgune Feministak antolatuta. Baina aldi honetakoa berezia izanen da, Bilgune Feministak hamar urte beteko baititu aurten.

Berako merkataritzari buruzko gogoeta prozesu parte-hartzailea abian paratu dute Berako Udalak eta Larun Haizpe merkatarien, ostalarien eta zerbitzu enpresen Elkarteak. Prozesuan 50 beratarrek parte hartzea nahi zen, baina azkenean 35 bat izan dira orai arte Beralandetan egindako bileretan parte hartu dutenak. Berako komertzioaren ahulguneak eta indarguneak zein diren, beratarren erosketa ohiturak eta nolako erosketa eremuak behar edo nahi dituzten aztertzeko biltzen ari dira.

Migel Mari Urrutia saldiastarrak adio erran dio erremonte profesionalari. Otsaiñaren 4ean, larunbat arratsaldean jokatu zuen azken partida Galarretan. Zeberio II.arekin bikote eginez, 40-27 irabazi zien Koteto Ezkurra eta Julen San Migel doneztebarrei.

Elurrak eta hormak eragina izan du asteburuko kirol jardunaldian, hainbat partida gibeleratu egin baitira. Halere, bertze parrasta bat jokatu ere egin da.

Urtarrilaren 8an jende andana bildu zen Etxalarren kantu zaharrak kantatzeko, “Etxalar kantuz” ekimenaren barreneko lehen saioan. Hilabetero lehenengo igandean elkartzeko asmoa dute. Beraz, kantuz ari nahi duenak hurrengo aukera igande honetan, otsailaren 5ean izanen du. Udaletxe parean dute hitzordua, eguerdiko 12:00etan.

Santa Ageda bezperako usadioarekin bat egin eta aurten ere ez da kantu doinurik faltako Goizuetan eta Leitzan.

Baztango Udalak, Bortzirietako Hiri Hondakinen Mankomunitateak eta Malerrekako Mankomunitateak etxez-etxe banatutako egutegiek duten zenbakiarekin, otsaileko zozketa egin da eta hauxe da zenbaki sariduna: 1.574.

Talde kirolen asteburuko jardunaldia eguraldiaren menpe izanen da. Izan ere, elurrak eta hormak, hainbat partida oztopa dezake. Kontuak kontu, eskubaloian, alebin mailako nesken derbia jokatuko da larunbat goizean Donezteben Erreka eta BKTren artean.

2011. urte bukaeran 1.200 langabetu zeuden Doneztebeko Enplegu Bulegoan izen emanak. Hilabete beranduago 107 gehiago dira, 1.307. Langabeziko datua ematen hasi zirenetik eskualdeak izan duen kopururik handiena. Nafarroan aunitz igo da langabezia, %6,82, baina eskualdean oraindik bortitzagoa izan da igoera, %8,92koa, Nafarroa osoko bulegoen artean handiena.

Cederna Garalur Elkartearen Zuzendaritza Batzordea lanean hasi da Isabel Elizalde doneztebarrarekin. Urtarrilaren 30ean egin zen lehen bilera zuzendari-gerente izendatu berriarekin. Helburua: hasitako lan-ildoa indartzea eta 'Nafarroako Mendialdea - LGP' programaren 2012rako lehen deia egitea onartzea.

Elizondoko herriak zuhaitz landaketarako auzolan deialdia egina zuen otsailaren 5erako. Baina astebururako iragarri den eguraldia dela-eta, astebete gibeleratzea erabaki dute alkate eta kargodunek. Xabi Torres alkateak aipatu digunez, “garbi dago zergatik gibeleratu dugun, aste hondarrean lurra hormatua egonen da eta errepideak ere bai, beraz astebete beranduago eginen dugu”.

Elizondoko herriak zuhaitz landaketarako auzolan deialdia egin du otsailaren 5erako. Igande goizeko 09:30ean geldituko dira plazan eta aitzurra eramateko eskatu dute alkateak eta kargodunek.

Imanol Oskoz Etxandi auto gidari elizondarrak Nafarroako mendi automobilismoko txapeldun suertatu da aurten junior mailan (25 urte arte) eta maila absolutuan. Joan den igandean, urtarrilaren 30ean jaso zituen garaikurrak Nafarroako Automobilismo Federazioak egindako sari banaketa ekitaldian.

Bortzirietako eskuz banakako hamekagarren txapelketaren laugarren jardunaldia jokatuko da asteburu honetan. Bortz herrietan jokatuko dira partidak: Beran ortziral arratsaldean eta larunbat goizean, Igantzin ortziral arratsaldean, Lesakan eta Arantzan larunbat goizean eta Etxalarren igande goizean.

Otsailaren 3an, ortzirala, 18:00etan, besta batzordea osatzeko bilera izanen da Lesakako udaletxeko pleno aretoan. Bilera irekia izanen da, bizilagun eta interesa duen guziari zuzendua.

Doneztebeko Erreka elkarteak antolatutako Malerrekako eskuz binakako hamargarren pilota txapelketaren barrenean, seniorren bigarren mailako eta eliteko pilotarien partidak jokatu ziren otsailaren 1ean Beran eta Donezteben.

Gaur egungo erremonte profesionalean, atzelaririk onena den Migel Mari Urrutia saldiastarrak denbora baterako erremontea uztea erabaki du, «arrazoi pertsonalak» tarteko Mexikora bizitzera joatea erabaki duelako.